Chris Joannou

C'l artìcul chè 'l è scrit in Miranduléś Emiliàn

Chris tòlt śò in dal 2008


Christopher John Joannou cgnusû méj cuma Chris Joannou (Newcastle, 10 ad Nuvémbar dal 1979), 'l è 'n prudutōr muśicàł, 'n imprenditōr e 'n basìsta austragliàṅ cun di urìgini masèduni, mémbar dal grup post grunge di Silverchair. Chris 'l è élt 1 mét'r e 74 e 'l à cgnusû i àtar dū mémbar dal grup, al cantànt e chitarìsta Daniel Johns e 'l baterìsta Ben Gillies, a scōla. Al prim sìngul lōr, Tomorrow, 'l è vgnû fóra che lò al gh'iva sōl quìnd'ś an. Prima 'd pasàr a 'l bas al sunàva la trómba.

Joannou al gh'à na surèla śmèla e anc una più granda 'd lò. Un sò cuśèṅ ciucâ in dla suca, Nathan Trepezanov, al s è tòlt la vita a vint-i-òṅ an. I sò genitōr, David e la Sue, i gh'aṅ na lavandarìa a séc.

'L è stâ 'l prim mémbar di Silverchair a tajàr-'s i cavìi lung e al gh'à 'l scutmàj ad Lumberjack parchè i gh piàśan gl'àlbar e 'l camìśi a quadrét.

Fra i sò àtar prugèt a gh'è qvél dal prudutōr dal grup di The Mess Hall e 'l à anc mis sù na cumpagnìa ch'la fà dla bira, la Lovells Lager Beer.

Discugrafìa c'n i Silverchair

Joannou tòlt śò in dal 2012 insém a la Laura Csortan

Àlbum in studi

  • 1995 - Frogstomp
  • 1996 - Freak Show
  • 1999 - Neon Ballroom
  • 2002 - Diorama
  • 2007 - Young Modern

Àlbum da 'l viṿ

  • 2003 - Live from Faraway Stables

Racòlti

  • 2001 - The Best Of Vol.1

Sìngui

  • 1995 - Tomorrow
  • 1995 - Pure Massacre
  • 1995 - Israel's Son
  • 1995 - Shade
  • 1997 - Freak
  • 1997 - Abuse Me
  • 1997 - Cemetery
  • 1997 - The Door
  • 1999 - Emotion Sickness
  • 1999 - Anthem For The Year 2000
  • 1999 - Ana's Song (Open Fire)
  • 1999 - Miss You Love
  • 2002 - The Greatest View
  • 2002 - Without You
  • 2002 - Luv Your Life
  • 2003 - Across The Night
  • 2003 - After All These Years
  • 2007 - Straight Lines
  • 2007 - Reflections Of A Sound
  • 2007 - If You Keep Losing Sleep
  • 2008 - Mind Reader

Culegamènt estéran