Gala (cantànta)

C'l artìcul chè 'l è scrit in Miranduléś Emiliàn


«
I'm moving too fast through my life while the moon remains constant in the sky, the night is holding its breath, inside in silence I'm dead but if I make it until tomorrow I know that my fear will be gone and so I'm waiting for the morning to come, come, come, come into my life, come, come, stay with me, nobody loves me, nobody loves me enough, enough to save me.»
(FR)(Come Into My Life, 2002)
«
A sòṅ drē a mōv'r-um tròp in présia in dla mè vita méntar la luna l'armàgn fisa in dal cēl, la nòt la tîṅ al fiâ, ad dènt'r a sòṅ mòrta in silénsi ma s'a gh la câṿ in fiṅ a dmaṅ a sò ch'la mè paùra la sparirà e dònca mè a spèt ch'la matìna la riva, vîṅ, vîṅ, vîṅ in dla mè vita, vîṅ, vîṅ, armàgn mèg, ninsòṅ a m vōl bèṅ, vōl bèṅ asè, abàsta par salvàr-um.»
(MUD)
La Gala Rizzatto tòlta śò in dal 2004


La Gala, nóm 'd art dla Gala Rizzatto (Milàṅ, 6 ad Setémbar dal 1975), l'è na cantànta e futógrafa itagliàna.

In dla sò caréra la s è fata strada in dal mónd dla mùśica eurodance in di an Nuànta vindénd da piò ad siē migliòṅ ad disc cun di sìngui ad sucès cuma Freed from Desire (n. 2 in dal Régn Unî in du 'l è armàś p'r òt stmani in dla Top Ten), Let a Boy Cry (n. 3 in dal clasìfichi európei Hot 100) e Come Into My Life (n. 1 in Itàlia, Spaggna e Braśìl).

Biugrafìa

La Gala, ch'la s ciàma acsè in unōr dla muśa 'd Salvador Dalí e Paul Éluard, la Gala Dalí, la và a star in di Stat Unî a darsèt an par studiàr art a Boston. In dal 1993 la s diplòma a la Tish School of Arts ad New York in du la taca a futugrafàr gl'ambînt underground dal mónd dl'art e dla vita nutùrna.

In dal 1996 l'incìd un demo ad Freed From Desire e la finìs sóta cuntràt par qvéi dla Do It Yourself Records. In dal 1998 la fà vgnir fóra 'l àlbum Come into My Life ch'al gh'à sucès in tut al mónd. In dal Favràr dal 2014 la tōś part a la serimògna di śōg ulìmpic invernài ad Soči cantànd par n'óra i sò pès, anc al nóṿ The Beautiful.

Discugrafìa

Un sò prim piàṅ
La Gala durànt gl'Ulimpìadi ad Soči dal 2014

Àlbum

  • 1997 - L'album
  • 1998 - Come into My Life
  • 1998 - Gala Remixes
  • 2007 - Come into a Decade (10th Anniversary)
  • 2008 - Tough Love
  • 2015 - Singles V1

Sìngui

  • 1995 - Everyone Has Inside
  • 1996 - Freed from Desire
  • 1996 - Let a Boy Cry
  • 1997 - Come Into My Life
  • 1998 - Suddenly
  • 2005 - Faraway
  • 2008 - A Friend Of Joshua (M.L.A. feat. Gala)
  • 2012 - Lose Yourself In Me
  • 2013 - Taste of Me
  • 2014 - The beautiful
  • 2015 - Rock Your World
  • 2015 - Love Impossible
  • 2015 - Start It Over

Culegamènt estéran