Gianni Ippoliti

C'l artìcul chè 'l è scrit in Miranduléś Emiliàn

Ippoliti in na figùra dal film “El dia de la bestia”


Gianni Ippoliti (Róma, 22 ad Favràr dal 1950) 'l è un cundutōr televiśìṿ itagliàṅ.

Biugrafìa

Ippoliti al taca a lauràr in televiśiòṅ in dal 1977 quànd al fà part dal cast dal prugràma dla RAI Piccolo Slam cun la Stefania Rotolo e Sammy Barbot. I pàs'n ùnd'ś an e Gianni al s fà cgnósar cun Provini, na traśmisiòṅ cundóda da lò p'r Italia1 in dua dal parsòni cumùni i faṅ di casting tut da rìdar.

Sèmp'r in c'l an lè al fà dascórar 'd incòsa la gint ad tut i dè in dal prugàma Dibattito. 'L è lè ch'i s faṅ védar par la prima vòlta di persunàǵ cuma Luca Laurenti e la Sonia Grey.

In dal 1989 al dà vita a Grandi Sceneggiati in dua 'l sò gir ad persunàǵ dal vèci traśmisiòṅ i rècitan soquànt lìbar famóś. 'L è pò 'l tùran ad Perché ha vinto Anna Oxa? (Parchè à-la vins l'Anna Oxa?) e 'd Perché hanno vinto i Pooh? (Parchè àṅ-i vins i Pooh?), mandâ in ónda soquànt dè prima ch'i vinsìsan dabòṅ i sò Fèstival ad Sanrémo. Par la Rai al preśénta invéci i prugràma Non è mai troppo tardi, C'era una volta Fluff' e Q come cultura.

In di prim an Nuànta al s invénta 'n śuglèṅ p'r al prugràma La Vela d'oro (e in séguit anc par Girone all'italiana 'd Andrea Barbato) in dua a gh'éra da indvinàr al mistēr ad soquànt persunàǵ misterióś. In dal 2007 la Rai la decìd listés ad cumpràr i dirìt 'd un prugràma cumpàgn da i ulandéś dla Endemol p'r al sò I Soliti Ignoti ad Fabrizio Frizzi anc se la i gh'iva bèla dispunibìi in di sò casét.

In dal 1997 al preśénta Italiani nel mondo e 'l an dòp La Befana vien di notte par Rai2. In dal 2002 al fà di intervènt a 'l Festival ad Sanremo e p'r i mundiài ad balòṅ. In dal Śnar dal 2008 al và a balàr a Ballando con le stelle, prugràma dla Milly Carlucci su Raiuno. In di ult'm an al móstra i fat cuntâ in dal rivìsti 'd petegulés par la traśmisiòṅ Mattino in Famiglia.

In dla sò vita Gianni Ippoliti 'l à anc recitâ in soquànt film cuma Gli amici del bar Margherita ad Pupi Avati dal 2009 e fat dal canti cuma Papa dada a Mino Reitano. In dl'Istâ dal 2008 'l è dvintâ presidènt dla squàdra ad palamàṅ ad serie A di masć Italgest Salento D'Amare ad Caśaràṅ.

Filmugrafìa

Culegamènt estéran