Gilda (cantànta)
|
C'l artìcul chè 'l è scrit in
Miranduléś |
«
Ragazza che ti affretti perché suona la messa, cammini a testa bassa, sorridi a chi conosci. Sei nata in un paese di aranci e oleandri, ti hanno insegnato a credere, a vivere aspettando lui. La treccia non la tagli, sarà il tuo primo amore a scioglierti i capelli e allora tremerai.»
(IT)(Ragazza del sud, 1975)
«
Ragàsa ch'ta t daspégn parchè a sòna la mésa, at gir c'n al cô a bas, at surìd a chi at cgnós. At sē nada in un paéś ad purtugài e oleàndar, i t aṅ insgnâ a crédar, a vìvar spetànd lò. La trésa ta n la taj minga, a sarà 'l tò prim amōr a dasfàr-'t i cavìi e alóra at tarmarà.»
(MUD)
La Gilda, nóm 'd art dla Rosangela Scalabrino (Masràṅ, 31 ad Maǵ dal 1950, a s lèś /ˈʤilda/ in itagliàṅ) l'è na cantànta e cumpuśidōra itagliàna, vinsidōra dal Fèstival ad Sanrémo dal 1975 c'n al braṅ Ragazza del sud.
In dla sò caréra, purtàda avànti in di an Stanta, l'à fat vgnir fóra 'n àlbum sōl, Bolle di sapone dal 1976, e soquànt sìngui cuma Nu ferru de calzetta e Canto di una notte sull'Aspromonte par pò mulàr incòsa par dedicàr-'s a la famìja e a la gestiòṅ 'd 'n albêrg a Turèṅ, sità in du l'è andàda a star in di an Nuànta.