Horror Puppet
|
C'l artìcul chè 'l è scrit in
Miranduléś |
 Tourist Trap
| ||
| Horror Puppet | ||
 Jon Van Ness in na figùra dal film | ||
| Putòć dla scarésa 1979 | ||
|---|---|---|
| Regìa: David Schmoeller | ||
| Scritōr: David Schmoeller • J. Larry Carroll | ||
| Atōr: Chuck Connors • Albert Band • Shailar Coby Robin Sherwood • Jocelyn Jones • Jon Van Ness Dawn Jeffory • Keith McDermott • Tanya Roberts | ||
| Müsica: Pino Donaggio | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Horror Puppet (Putòć dla scarésa) 'l è 'n film ad scarésa dal 1979 girâ in vint-quàtar dè par David Schmoeller.
Sunt
L’Eileen (Robin Sherwood) e 'l sò muróś Woody (Keith McDermott) i eṅ drē a pasàr p'r al deśèrt quànd i rés't a tèra cun na rōda śbuśìda. Al ragàs al partìs a pē p'r andàr a catàr un distributōr méntar lē la rèsta in màchina a spetàr. Subìt dòp i rìvan lè i sò amìg, ch'i aṅ viaśâ da par lōr, la Becky (Tanya Roberts), Jerry (Jon Van Ness) e la Molly (Jocelyn Jones).
Woody al cata finalmènt un distributōr ma a n gh'è ninsòṅ lè fóra. Chi lò al vèra 'l us da drē p'r andàr a ciamàr al benśinàr ma al rèsta intraplâ cun un bras in un śbrag dla pòrta. Tut 'd un trat di manichét i tac'n a rìdar e i śavàj 'd 'n armàri i partìsan da par lōr p'r andàr a sćiancàr-as adòs a Woody ch'al n s pōl briśa móvar. Ad un sèrt punt a partìs un tub ad metàl ch'al s insfìlsa in dla sò pansa masànd-al.
Al tèmp al pasa e i ragàs i decìd'n ad far un bagn in un fiùm lè davśèṅ quànd a riva lè 'n óm ciamâ Slausen (Chuck Connors) ch'al gh'à in bras un sćiòp da casa. Chi lò al s śibìs ad jutàr Jerry cun la sò jeep ma al và anc a drē p'r andàr a cà sua insém a 'l grup a tōr quél ch'a gh vōl par giustàr-la.
L’Eileen la và dèntar e la cata di manichét e di putòć. Qualchidòṅ al ciàma 'l sò nóm e a vèṅ fóra na figùra cun na mascra adòs méntar la siàrpa dla ragàsa al la stròsa. Più tard la Becky la véd in dla cà un manichét cumpàgn dla sò amìga sparìda mént'r al killer mascrâ al la ciàpa e al la pòrta in cantìna in dua a gh'è anc Jerry. Qvést chè al gh diś che al manìac 'l è 'l fradèl ad Slausen.
In sal tàvul, ligàda maṅ e pē, a gh'è anc la biónda Tina (Dawn Jeffory). Dòp un pôc a riva incóra 'l sasèṅ ch'al taca a impinìr la fàcia dal dóna cun dal śés, faghénd-la murìr ad batarìa ad cōr. Jerry al gh la cava a libràr-as, tajand la lasa ch'la gh tgiva stric i pōls cun i dènt, ma al vèṅ cupâ subìt anca lò.
In cal méntar, la Molly l'è incóra là fóra ch'la i pésca.