Identità (film)
|
C'l artìcul chè 'l è scrit in
Miranduléś |
 Identity
| ||
| Identità | ||
.png) La Clea DuVall in na figùra dal film | ||
| id. 2003 | ||
|---|---|---|
| Regìa: James Mangold | ||
| Scritōr: Michael Cooney | ||
| Atōr: John Cusack • Ray Liotta • Amanda Peet John Hawkes • Clea DuVall • William Lee Scott Rebecca De Mornay • Leila Kenzle • Bret Loehr Jake Busey • Alfred Molina • Pruitt Taylor Vince | ||
| Müsica: Alan Silvestri | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Identità (id.) 'l è 'n thriller americàṅ dal 2003 ad James Mangold.
Custâ vint-i-òt migliòṅ ad dòlar, al film al 'n à fat pò sù da piò ad nuànta.
Sunt
Durànt na nòt ad timpèsta in Nevàda soquànt persunàǵ i decìd'n ad farmàr-'s in dal mutèl 'd campàggna ad Larry Washington (John Hawkes), esénd che tut al stradi i èṅ blucàdi da la pîna e i telefunèṅ i n funsiònan piò. A gh'è 'l pulisiòt Samuel Rhodes (Ray Liotta) ch'al gh'à da scarusàr un delinquènt masadōr seriàł cundanâ a mòrt, Robert Maine (Jake Busey), 'l autìsta èx pulisiòt Ed Dakota (John Cusack) a 'l servìsi dl'atōra Caroline Suzanne (Rebecca De Mornay), na scaja ciamàda Paris Nevada (Amanda Peet), na còpia frésca 'd spós, la Ginny (Clea DuVall) e Lou Isiana (William Lee Scott), e la famìja York furmàda da George (John C. McGinley), da sò fiōl pìcul Timmy (Bret Loehr) e da sò mujēr Alice (Leila Kenzle), armàśa frida dòp 'n incidènt cun la limousine ad Ed ch'al l'à misa sóta par śbali durànt al tempuràł.
Durànt la nòt qualchidòṅ al taca a far fóra tut i òspit dal mutèl òṅ a òṅ, tacànd da la Suzanne. Darènt a i cadàvar al sasèṅ al mét sèmpar la ciàṿ dla cambra, c'n al nùmar ch'al pâr un body count a 'l indrē.
Da n'atra part dal paéś al dutōr Malick (Alfred Molina) al próa a cunvìns'r al giùdas Taylor (Holmes Osborne) a salvàr la vita a 'l sò cliènt Malcolm Rivers (Pruitt Taylor Vince) ch'al dè dòp al gh'à da èsar giustisiâ. Al psicòlug al diś che Malcolm 'l è malâ 'd mènt e che tut i sò masamènt i èṅ stâ fat da una dal sò déś persunalità ch'al gh'à dèntar, un prubléma ch'l à śvilupâ da pìcul.