Il cavaliere del male
|
C'l artìcul chè 'l è scrit in
Miranduléś |
 Demon Knight
| ||
| Il cavaliere del male | ||
 Billy Zane e la Pinkett Smith in na figùra dal film | ||
| Al cavalēr dal mâł 1995 | ||
|---|---|---|
| Regìa: Gilbert Adler • Ernest R. Dickerson | ||
| Scritōr: Ethan Reiff • Cyrus Voris • Mark Bishop | ||
| Atōr: Billy Zane • William Sadler • Brenda Bakke Jada Pinkett Smith • CCH Pounder • Dick Miller Thomas Haden Church • Charles Fleischer | ||
| Müsica: Edward Shearmur | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
Il cavaliere del male (Al cavalēr dal mâł) 'l è 'n film ad scarésa americàṅ dal 1995 ad Gilbert Adler e 'd Ernest R. Dickerson ch'a tōś ispirasiòṅ da la série par la televiśiòṅ I racconti della cripta (Tales from the Crypt). La pelìcula la gh'à abû 'n séguit 'l an dòp, Il piacere del sangue (Bordello of Blood).
La culòna sunóra, dal gènar heavy metal, la gh'à dèntar di pès di Pantera (Cemetery Gates), di Machine Head (My Misery (Demon Knight)), di Megadeth (Diadems), di Sepultura (Policia) e àt'r incóra.
Custâ dódas migliòṅ ad dòlar, al film al 'n à pò muciâ sù da piò ad vint-i-òṅ.
Sunt
Frank Brayker (William Sadler) 'l è 'l ùltim di guardiàṅ cun 'l incàr'g ad tgnir dacàt na ciàṿ cun dènt'r al sangṿ ad Geśù Crist, un quèl ch'a và avànti da dimóndi sècui. Un dèmun dal mâł (Billy Zane) al gh la vōl ciapàr par métar-la insém a atri siē misi via in dal cōrs dal tèmp par far in manéra ch'la sò rasa la pòsa tōr al cuntròl dal pianéda.
Frank al fà da tut par reśìst'r e al s sèra dènt'r a 'n hutèl che na vòlta 'l éra na céśa. Insém a lò i gh'èṅ l’Irene (CCH Pounder), la Cordelia (Brenda Bakke), putàna 'd mistēr, la Jeryline (Jada Pinkett Smith) e 'l impiegâ dal pòsti Wally (Dick Miller).