Jolly Roger: Il massacro ha inizio...
|
C'l artìcul chè 'l è scrit in
Miranduléś |
 Jolly Roger:Massacre at Cutter's Cove | ||
| Jolly Roger: Il massacro ha inizio... | ||
 Rhett Giles in di pagn ad Jolly Roger | ||
| Jolly Roger: Al masàc'r al gh'à inìsi... 1993 | ||
|---|---|---|
| Regìa: Gary Jones | ||
| Scritōr: Gary Jones • Jeff Miller | ||
| Atōr: Rhett Giles • Tom Nagel • Kristina Korn Thomas Downey • Kim Little • Pamela Munro | ||
| Müsica: Mel Lewis | ||
| Léngua: Ingléś | ||
| Dürä dal film: 80 minüt | ||
| Nasiōṅ: Stat Unî | ||
Jolly Roger: Il massacro ha inizio... (Jolly Roger: Al masàc'r al gh'à inìsi...) 'l è 'n film ad scarésa americàṅ dal 1993 ad Gary Jones ch'al 'l à scrit insém a Jeff Miller. Al tìtul dal film al fà riferimènt a 'l nóm ingléś dla bandéra di piràta ciamàda Jolly Roger.
'L è stâ girâ in Califòrgna fra Malibù, Los Angeles e Agua Dulce c'n un budget ad sincsènt-mila dòlar.
Sunt
Su na spiàgia dla west coast siē amìg śōvan i pàsan la nòt magnànd dal salsìsi davànti a 'l fōg. Dū 'd lōr, ch'i s èṅ śluntanâ par gusàr, i càt'n un tésć dènt'r a na casa dal teśôr ch'l éra dal piràta Roger Laforge, cgnusû méj cuma Jolly Roger (Rhett Giles). Dòp avér butâ in dal mâr al sò crani e tacâ a far dal purcàdi, al vèć filibustēr al tōś vita. Al piràta al i masa tut a cōlp ad sabla a part Alex Weatherly (Tom Nagel) e la Jessie Hendrickson (Kristina Korn), dū muróś ch'i ìvan péna litgâ.
A riva 'l cmandànd dla pulisìa Mathis (Thomas Downey) e anc la sìndaga Judith Bates (Pamela Munro) ch'la puntâ subìt al dî cónt'r Alex e la sò famìja rivàda da cal bandi da pôc. I dū ragàs scampâ a 'l masèl i finìsan sóta interugatòri ma i gh la càvan listés a scapàr via. In cal mént'r al piràta al và a cupàr la Melinda Cornwell (Carrie Booska) e 'l buta-fóra Danny Ray (Ty Nickelberry) in un strip club ch'i gh arcòrdan di persunàǵ di sò tèmp.
Jolly Roger 'l à fat un pat c'n al Diàvul: in cambi ad soquànti tèsti lò al gh darà indrē al sò òr.