L'apparenza inganna
|
C'l artìcul chè 'l è scrit in
Miranduléś |
 Le placard
| ||
| L'apparenza inganna | ||
 Daniel Auteuil in na figùra dal film | ||
| L'aparénsa l'ingàna 2001 | ||
|---|---|---|
| Regìa: Francis Veber | ||
| Scritōr: Francis Veber | ||
| Atōr: Daniel Auteuil • Gérard Depardieu • Edgar Givry Thierry Lhermitte • Michèle Laroque • Michel Aumont Jean Rochefort • Armelle Deutsch • Thierry René | ||
| Müsica: Vladimir Cosma | ||
| Léngua: Francés | ||
| Dürä dal film: 84 minüt | ||
| Nasiōṅ: Frància | ||
L'apparenza inganna (L'aparénsa l'ingàna) 'l è na cumèdia francéśa dal 2001 scrita e dirèta par Francis Veber.
Par cla pelìcula chè al prutagunìsta Daniel Auteuil 'l è stâ premiâ a 'l Fèstival internasiunàł di film ad Shanghai.
Sunt
'L è pròpria 'n brut mumènt p'r al nujóś François Pignon (Daniel Auteuil) parchè sò mujér, la Christine (Alexandra Vandernoot), la 'l à mulâ e sò fiōl praticamènt al n al caga gnanc piò. Un dè, méntar 'l è a 'l cèso in dla fàbrica 'd guldòṅ in du 'l lavóra, al sènt par caś ch'al sò cap Félix Santini (Gérard Depardieu) 'l è drē a licensiàr-al.
Turnâ a cà subìt al pénsa 'd tōr-as la vita ma pò, dascurénd c'n un sò vśèṅ 'd cà ch'al fava 'l psicòlug industriàł, Jean-Pierre Belone (Michel Aumont), al strulga 'n piàṅ par scampàr-la, qvél ad far-as pasàr par fnòć. In cla manéra chè al diretōr Kopel (Jean Rochefort) al farà fadìga a lasàr-'l a cà c'n al risć che tut i sò cliènt omosesuài i prévan pinsàr ch'al 'l àppia fat cuma discriminasiòṅ sesuàla e dònca che pò i gh la fìsan cagàr s'al fus in bras a Dio.