L'appartamento spagnolo
|
C'l artìcul chè 'l è scrit in
Miranduléś |
 L'auberge espagnole
| ||
| L'appartamento spagnolo | ||
 Romain Duris in na figùra dal film | ||
| 'L apartamènt spagnōl 2002 | ||
|---|---|---|
| Regìa: Cédric Klapisch | ||
| Scritōr: Cédric Klapisch | ||
| Atōr: Romain Duris • Barnaby Metschurat Judith Godrèche • Audrey Tautou • Kelly Reilly Cécile De France • Javier Coromina • Jacno Federico D'Anna • Iddo Goldberg • Kevin Bishop Cristina Brondo • Christian Pagh • Olivier Raynal | ||
| Müsica: Loïc Dury • Mathieu Dury | ||
| Léngua: Francéś • Spagnōl • Catalàṅ Ingléś • Itagliàṅ • Tedésc • Danéś | ||
| Dürä dal film: 122 minüt | ||
| Nasiōṅ: Frància • Spaggna | ||
L'appartamento spagnolo (’L apartamènt spagnōl) l'è na cumèdia francéśa e spagnōla dal 2002 scrita e dirèta par Cédric Klapisch.
Al film, ch'l à fat sù trént'òṅ migliòṅ ad dòlar a frònt 'd un budget ad sinc migliòṅ e tri 'd euro, al gh'à abû dū séguit: Bambole russe (2005) e Rompicapo a New York (2013).
Sunt
Xavier (Romain Duris) 'l è 'n śōvan studènt francéś ad vint-sinc an ch'l è drē a laureàr-'s in ecunumìa e ch'al gh'à na muróśa da quàt'r an ciamàda Martine (Audrey Tautou). A 'l impruvìś al decìd ad dar un taj a tut e 'd partìr par Barcelóna tgnénd adrē a 'l prugràma ERASMUS anc se la sò ragàsa la n la tōś minga bèṅ.
Rivâ in Spaggna, Xavier al s adàta a divìdar 'l apartamènt cun di àtar studènt européo: l'ingléśa Wendy (Kelly Reilly), al tedésc Tobias (Barnaby Metschurat), la lèśbica bélga Isabelle (Cécile de France), 'l itagliàṅ Alessandro (Federico D'Anna), al danéś Lars (Christian Pagh) e la spagnōla Soledad (Cristina Brondo), un misćiùs linguìstic e culturàł ch'al n impedìs minga a i śōv'n ad dvintàr amìg dabòṅ.
Xavier al taca a 'ndàr fóra insém a na còpia francéśa furmàda da 'l dutōr Jean-Michel (Xavier De Guillebon) e l’Anne-Sophie (Judith Godrèche) ma cun chi lē al dà vita anc a na relasiòṅ cuntànd su i cunsìli dl’Isabelle in fat ad fighi. La Wendy la ricév la vìśita dal sò muróś William (Kevin Bishop) ch'al taca a far dal caśèṅ in dal grup ma Xavier al gh'à di àtar prubléma parchè 'l è ciàr ch'al sò amōr par la Martine e la vita ch'al fava in Frància al s è arsurâ dimóndi.
Finìda cl'esperînsa lè e vins un cuncōrs p'r un pòst a 'l Ministēr dal Finànsi, Xavier al decìd ch'la sò vita la tira da n'atra banda acsè al mòla baràca e buratèṅ par far al scritōr.