L'orgia dei morti
|
C'l artìcul chè 'l è scrit in
Miranduléś |
 La orgìa de los muertos
| ||
| L'orgia dei morti | ||
 La Maria Pia Conte in na figùra dal film | ||
| L'òrgia di mòrt 1973 | ||
|---|---|---|
| Regìa: José Luis Merino | ||
| Scritōr: José Luis Merino | ||
| Atōr: Stelvio Rosi • Maria Pia Conte • Paul Naschy Diannik Zurakowska • Charles Quiney • Gérard Tichy Aurora de Alba • Pasquale Basile • Eleonora Vargas | ||
| Müsica: Francesco De Masi | ||
| Léngua: Spagnōl | ||
| Dürä dal film: 103 minüt | ||
| Nasiōṅ: Itàglia • Spaggna | ||
L'orgia dei morti (L'òrgia di mòrt) 'l è 'n film ad scarésa dal 1973 ad José Luis Merino.
A 'l èstar 'l è cgnusû cuma “Orgy of the dead” ma anc cuma “The Hanging Women”, “Beyond the Living Dead”, “Dracula the Terror of the Living Dead”, “Return of the Zombies” e “Zombie 3: Return of the Living Dead”.
Sunt
A séguit dla mòrt ad sò sîn, al baròṅ Kauth Minauli, al lundinéś Serge Ceichov (Stan Cooper), al riva a Skopje in Macedògna parchè al vèć al gh'à lasâ dagnóra tut i sò bèṅ e sōl al briśi a la sò secónda mujér Nadja (Maria Pia Conte), na bèla dóna dimóndi ligàda a i bèsi e a la striarìa négra. Lung la via p'r andàr a cà, Serge al véd impicâ a 'n àrbul al còrp ad sò cuśìna Mary (Aurora De Alba). Subìt a s créd ch'la s sia masàda lē al dè dal funeràł ad sò pàdar ma invéci al dutōr Leòn (Gerard Tichy), ch'al lauràva p'r al baròṅ faghénd di esperimènt su 'l bèsti mòrti cun la curènt lètrica, al diś ch'l'è mòrta da par lē ad paùra e pò un qualchidòṅ al l'à impicàda.
Da i Minauli cuma camaréra a gh lavóra la fiōla dal dutōr, la Dorys (Diannik Zurakowska), e anc un magiurdòm (Charles Quiney) che però al vèṅ parâ via subìt da Serge parchè 'l iva alvâ tròp la crésta sèg e cun la Nadja. Chi lē, ch'la vōl vénd'r incòsa par muciàr sù di bèsi in présia, anc al laburatòri ad Leòn, la taca a far i òć dōls cun 'l ingléś e la s al pòrta a lèt subìt ma 'l óm pò al gh preferìs la Dorys.
Na nòt al becamòrt Igor (Paul Naschy), un purcùs ch'al gh cata gust a star c'n i cadàvar dal dóni mòrti, al próa a mét'r in guàrdia Serge dgénd-ag ch'in cla cà lè i sucédan di fat spavintóś.