La tomba di Ligeia
|
C'l artìcul chè 'l è scrit in
Miranduléś |
 The Tomb of Ligeia
| ||
| La tomba di Ligeia | ||
 La Shepherd e Vincent Price in na figùra dal film | ||
| La tómba dla Ligeia 1964 | ||
|---|---|---|
| Regìa: Roger Corman | ||
| Scritōr: Edgar Allan Poe • Robert Towne | ||
| Atōr: Vincent Price • Elizabeth Shepherd Derek Francis • John Westbrook • Ronald Adam Oliver Johnston • Richard Vernon • Denis Gilmore Frank Thornton • Penelope Lee • Maxwell Craig | ||
| Müsica: Kenneth V. Jones | ||
| Léngua: Ingléś | ||
| Dürä dal film: 79 minüt | ||
| Nasiōṅ: Régn Unî | ||
La tomba di Ligeia (La tómba dla Ligeia) 'l è 'n film ad scarésa dal 1964 ad Roger Corman trat da n'òpra 'd Edgar Allan Poe.
Sunt
Durànt i prim an dal XIX sécul in Inghiltèra sir Verden Fell (Vincent Price), 'n óm ch'al pòrta gl'uciài scûr parchè a gh dà fastìdi la luś dal Sōl, al gh'à saplìr al còrp dla sò śōvna spóśa, la Ligeia (Elizabeth Shepherd). Chi lē, ch'la n éra briśa cristiàna e che ninsòṅ a sà quànd la sia nada dabòṅ, la n vliva minga murìr e l'iva prumìs a 'l ùltim a sò marè ch'la n 'l arév mai bandunâ in tut al manéri.
Un dè, durànt na casa a la vólp, la lady Rowena (Elizabeth Shepherd) la pasa da cal bandi là e quànd la lèś al nóm dla Ligeia in sla fòsa al sò cavàl al dvènta mat faghénd-la cascàr śò. A tgnir-'g adrē par curàr-la a gh pénsa Verden ch'al la pòrta sèg in dl'abasìa ch'al custudìs insém a 'l sò asistènt Kenrick (Oliver Johnston) par mét'r-ag dal fasōli a i pē. 'L óm al gh'à anc un gat négar ch'al la śgranfgn' in fàcia quànd lē la próa a baśàr al sò padròṅ. Quànd chi lò al và a védar la tómba insém a 'l sò amìg Christopher Gough (John Westbrook) al fà a mènt che la data 'd mòrt su 'l màrmul la n gh'è piò: par lò 'l è 'l ségn che lē l'è turnàda.
La lady Rowena e Verden i sa spóśan, pò i partìsan p'r un viàś ad nòsi a Róma méntar Christopher al gh'à 'l incàr'g ad véndar l'abasìa ma a n è minga fàcil parchè tut 'l è intestâ a la Ligeia. Par la lady Rowena invéci i tàcan dal nòt d' arbgàt parchè la taca a insuniàr-'s-la quànd la và a lèt.