Milva

C'l artìcul chè 'l è scrit in Miranduléś Emiliàn


«
E la sera rincasavo sempre tardi, solo i miei passi lungo i viali e mi piaceva spolverare, fare i letti, poi restarmene in disparte come vera principessa prigioniera del suo film, che aspetto all'angolo come Marleene, hai le borse sotto gli occhi, come ti trovi a Berlino Est? Alexander Platz, auf wiedersehen, c'era la neve.»
(IT)(DE)(Alexander Platz, 1982)
«
E la sira a turnàv a cà sèmpar tard, sōl i mè pas lung i viài e a m piaśìva dar śò a la pólvra, far i lèt, pò armàgnar da na banda cuma na prinsipésa véra parśunéra dal sò film, ch'a spèt in un cantòṅ cuma la Marleene, at gh'à 'l pighi sóta a i òć, cuma t cat-at a Berlîṅ Èst? Piàsa Lisàndar, arvéd'r-as, a gh'éra la néṿ.»
(MUD)
La Milva tòlta śò in dal 1972


La Maria Ilva Biolcati, cgnusùda méj c'n al nóm d'art ad Milva (Gôr, 17 ad Luj dal 1939 - Milàṅ, 23 'd Avrìl dal 2021) l'è stada na cantànta e atōra 'd teàt'r emigliàna, dvintàda famóśa anc a 'l èstar, specialmènt in Frància e in Germàgna, paéś in du l'è stada premiàda cun na Legiòṅ 'd Unōr e na Crōś a 'l Mèrit.

L'è andàda a 'l Fèstival ad Sanremo quìndas vòlti da 'l 1961 a 'l 2007 e la gh'à dū scutmàj ch'i la batéśan: La Pantéra 'd Gôr e La Rósa par via dal culōr di sò cavìi e dal sò idéi pulìtighi.

Fra i sò pès più famóś a 'rcurdém Milord, Il Mare Nel Cassetto, Alexanderplatz (scrita par lē da Franco Battiato) e La Filanda.

Filmugrafìa

Culegamènt estéran