My Hustler
|
C'l artìcul chè 'l è scrit in
Miranduléś |
 My Hustler
| ||
| My Hustler | ||
 La Charbon e Paul America in na figùra dal film | ||
| Al mè putàṅ 1965 | ||
|---|---|---|
| Regìa: Andy Warhol | ||
| Scritōr: Andy Warhol | ||
| Atōr: Paul America • Joseph Campbell • Ed Hood Genevieve Charbon • Dorothy Dean • J.D. McDermott | ||
| Müsica: / | ||
| Léngua: Ingléś | ||
| Dürä dal film: 79 minüt | ||
| Nasiōṅ: Stat Unî | ||
My Hustler (Al mè putàṅ) 'l è 'n film dramàtic americàṅ dal 1965 'd Andy Warhol prudót par Paul Morrissey.
Custâ fra i tri-mìla e i quatar-mìla dòlar, al 'n à pò fat sù trénta-mila.
Sunt
Da la sò cà davśèṅ a 'l mâr a Fire Island (New York) na vècia chéca ad nóm Ed (Ed Hood) e la sò vśina 'd cà, la Genevieve (Genevieve Charbon), i aṅ butâ 'l òć su 'n óm biónd in custùm ch'al s è mis a tōr al Sōl su la spiàgia, Paul (Paul America). Ed al diś che chi lò 'l è 'l putàṅ che lò 'l à urdnâ a 'l telèfun par pasàr al fiṅ 'd stmana sèg. A riva lè anc 'n rujòṅ più vèć, Joe (Joseph Campbell), ch'al s pòrta adrē al scutmàj ad “Fata Cunfèt” p'r al fat ch'l è sòlit dar via dla dròga.
Tut tri i dascóran ch'i al vōlan tut par lōr cuma s'al fus un pès ad carna e pò basta, Ed pò al n gh'à minga vargógna 'd dmandàr a la dóna «Cuśa t fà'l vgnir in mènt chi lò? La tór ad Piśa, 'l Empire State Building o 'n salsisòṅ?».
Méntar la Genevieve la śmónta śò p'r andàr a spalmàr la créma p'r al sōl su la schina 'd Paul, i dū chichèṅ i cuntìnuan i sò dascōrs malnét su 'd lò. Paul al vîṅ pò dèntar p'r andàr in bagn a far-as la barba méntar Joe lè darènt al s fà la dócia e al gh inségna i truc dal mistēr dal marchetàr. A riva anc la Genevieve ma Paul al ténd adrē sōl a far-as bèl, a lavàr-'s i dènt e a guardàr-'s in dal spèć.