Peccato che sia maschio
|
C'l artìcul chè 'l è scrit in
Miranduléś |
 Echte Kerle
| ||
| Peccato che sia maschio | ||
 Ohrt e la Tietze in na figùra dal film | ||
| 'L è 'n pcâ ch'al sia 'n masć 1996 | ||
|---|---|---|
| Regìa: Rolf Silber | ||
| Scritōr: Rolf Silber • Rudolf Bergmann | ||
| Atōr: Christoph M. Ohrt • Carin C. Tietze • Ina Weisse Tim Bergmann • Oliver Stokowski • Rudolf Kowalski | ||
| Müsica: Peter W. Schmitt | ||
| Léngua: Tedésc • Rus • Itagliàṅ | ||
| Dürä dal film: 102 minüt | ||
| Nasiōṅ: Germàgna | ||
Peccato che sia maschio (’L è 'n pcâ ch'al sia 'n masć) l'è na cumèdia tedésca dal 1996 ad Rolf Silber, giràda a Francfòrt.
Cal film chè 'l è stâ bòṅ 'd far sù 'n squantèr'n ad bèsi in dal sò paéś, siē migliòṅ e mèś 'd euro a 'l incìrca c'n un migliòṅ e dū 'd spetadōr.
Sunt
Christoph Schwenk (Christoph M. Ohrt) 'l è 'l cumisàri 'd pulisìa 'd Francfòrt. Dòp èsar stâ casâ fóra 'd cà da la sò muróśa, catàda a lèt cun 'n àtar, Christoph al ciàpa la bala in discutéca in du 'l éra andâ par far-as pasàr al magòṅ. Al dè dòp al s déśda nûd in dal lèt 'd un mecànig fnòć ciamâ Edgar (Tim Bergmann), sénsa arcurdàr-as gnint dla nòt prima. Spavintâ 'd qvél ch'a prév èsar sucès méntar 'l éra imbariàg, al decìd ad tajàr tut i pònt sèg ma pò, p'r al fat 'd n avēr minga 'n téǵ, 'l è custrét a dmandàr-ag 'd andàr a star a cà sua in fiṅ tant ch'al catarà 'n apartamènt. Edgar, ch'l è inamurâ 'd lò, al gh diś ad sè.
In cal méntar a riva na pulisiòta a lauràr in dal grup ad Christoph, la Helen (Carin C. Tietze). Chi lē, insém a 'l culéga Mike (Oliver Stokowski), i gh'aṅ da catàr i respunsàbii 'd un tràfic ad màchini rubàdi e i rìvan diretamènt a Edgar. Al fat 'l è che acsè i bèc'n anc Christoph ch'l è sèmpar sèg e a taca giràr la vóś ch'al cumisàri al sia gay. L’Helen la gh'armàgn mâł parchè la gh'iva butâ gl'òć adòs.