Persona (film)
|
C'l artìcul chè 'l è scrit in
Miranduléś |
 Persona
| ||
.png) La Liv Ullmann in na figùra dal film | ||
| Persóna 1966 | ||
|---|---|---|
| Regìa: Ingmar Bergman | ||
| Scritōr: Ingmar Bergman | ||
| Atōr: Bibi Andersson • Liv Ullmann Margaretha Krook • Gunnar Björnstrand | ||
| Müsica: Lars Johan Werle | ||
| Léngua: Śvedéś • Ingléś | ||
| Dürä dal film: 85 minüt | ||
| Nasiōṅ: Śvèsia | ||
Persona (Persóna) 'l è 'n film dramàtic śvedéś dal 1966, scrit e dirèt p'r Ingmar Bergman. 'L è stâ girâ in biànc e négar.
Sunt
Durànt na rapreśentasiòṅ a teàtar dla tragèdia 'd Sófocle Elettra, a l'atōra Elisabet Vogler (Liv Ullmann) a gh vîṅ 'n atàc ad cretinìśia e la taca a rìd'r ad cuntìnuv sénsa mutìṿ, pò però la śmét dal tut ad dascórar. La dóna la finìs in 'n uśdàł psichiàtric ch'a gh'è da védar s'la s è insiminìta tut 'd un trat.
La dutōra ch'la la véd (Margaretha Krook) la riva a cunclùdar ch'la n è minga mata, ch'l'è a pòst a livèl ad sarvèl e anc ad fìśic dònca l'è lē ch'l'à decìś 'd armàgnar muta. Par jutàr-la a riprénd'r-as, la psicòluga la dmanda a la sò infarméra Alma (Bibi Andersson) ad pasàr dal tèmp sèg in dla sò vila a 'l mâr.
I pàs'n i dè mo l’Elisabet la cuntìnua a taśēr mént'r invéci l’Alma la s vèra sèg cuntànd-ag tut i sò fat privâ cuma quànd, tulénd al sōl nuda cun na dóna péna cgnusùda, l'iva fat n'òrgia cun dū ragasōi armagnénd insìnta par pò aburtìr fra mila séns ad cólpa.