Pomodori verdi fritti alla fermata del treno
|
C'l artìcul chè 'l è scrit in
Miranduléś |
 Fried Green Tomatoes
| ||
| Pomodori verdi fritti alla fermata del treno | ||
 La Tandy e la Kathy Bates in na figùra dal film | ||
| Pamdòr vérd frit a la farmàda dal trêṅ 1991 | ||
|---|---|---|
| Regìa: Jon Avnet | ||
| Scritōr: Fannie Flagg • Carol Sobieski | ||
| Atōr: Mary-Louise Parker • Mary Stuart Masterson Kathy Bates • Jessica Tandy • Chris O'Donnell Gailard Sartain • Cicely Tyson • Macon McCalman | ||
| Müsica: Thomas Newman | ||
| Léngua: Ingléś | ||
| Dürä dal film: 130 minüt | ||
| Nasiōṅ: Stat Unî | ||
Pomodori verdi fritti alla fermata del treno (Pamdòr vérd frit a la farmàda dal trêṅ) 'l è 'n film dramàtic americàṅ dal 1991 ad Jon Avnet trat da 'l rumànś „Pomodori verdi fritti al caffè di Whistle Stop“ dla Fannie Flagg. Par cla pelìcula chè la Jessica Tandy l'è stada candidàda a i Prèmi Òscar dal 1992 acsè cuma la Fannie Flagg e la Carol Sobieski, chi lē dòp ch'l'éra bèla mòrta, par la senegiadùra.
Custâ ùndas migliòṅ ad dòlar, al film al 'n à fat pò dagnóra sènt-vint.
Sunt
L’Evelyn Couch (Kathy Bates), na dóna grasa in criśi c'n al sò matrimòni, e sò marè Ed (Gailard Sartain) i vàn'n a catàr la sîna 'd chi lò ch'la s cata a 'l ricòvar. Chè l’Evelyn la cgnós na vècia ciamàda Ninny Threadgoode (Jessica Tandy) ch'la taca a cuntàr-ag na stòria sucèsa dimóndi an prima in dal sò paéś a Whistle Stop, un pòst in dal cōr d'l Alabàma, fra la prima e la secónda guèra mundiàla.
Cla masćiàsa e arvèrsa dl’Idgie (Mary Stuart Masterson) e la sò amìga dal cōr Ruth (Mary-Louise Parker) i ìvan vèrt insém un cafè davśèṅ a la farmàda dal trêṅ in du i sarvìv'n un sò piàt speciàł a baś ad pamdòr vérd frit. Lè l’Idgie la 'n iva pasâ 'd tut i culōr cuma qvéi dal Ku Klux Klan ch'i dàv'n adòs a 'l persunàł négar o la mòrt dal sò fradèl più grand, Buddy (Chris O'Donnell), finî sóta 'l trêṅ. Anc la Ruth la gh'à abû na vita difìcila parchè l'iva spuśâ 'n óm dla Geòrgia ch'al la piciàva da spés, Frank Bennett (Nick Searcy), avénd anc un fiōl pìcul sèg.