Puppet Master II

C'l artìcul chè 'l è scrit in Miranduléś Emiliàn

Puppet Master II
Puppet Master II

Al putòć Blade e Celentano in na figùra dal film
Al buratinàr II
1990
Regìa: Dave Allen
Scritōr: Charles Band • David Pabian
Atōr: Elizabeth Maclellan • Greg Webb • Nita Talbot
Collin Bernsen • Charlie Spradling • Jeff Celentano
Müsica: Richard Band
Léngua: Ingléś
Dürä dal film: 88 minüt
Nasiōṅ: Stat Unî


«
Tarmâ, i buratèṅ i èṅ turnâ. E i èṅ più murtài ad sèmpar.»
(Tagline dal film)


Puppet Master II (Al buratinàr II) 'l è 'n film ad scarésa americàṅ dal 1990 ad Dave Allen séguit dla pelìcula Puppet Master - Il burattinaio d'l an prima. 'L è stâ girâ, diretamènt p'r al marcâ d'l home video, c'n un budget ad setsènt-utantamìla dòlar.

Sunt

In dal campsànt ad Bòdega Bay (Califòrgna) André Toulon (Steve Welles) al tórn' in vita dòp ch'i sò putòć i gh bùtn'n adòs al flùid ch'i gh'ànan dèntar ch'l è bòṅ 'd animàr i mòrt o i buratèṅ cuma lōr. Chi lōr i gh'aṅ biśógn dal sò creadōr parchè al flùid ch'i gh'aṅ in còrp 'l è drē a finìr dònca a gh'è da far-an d'l àtar, un pùcio a baś ad cunsèṅ ad sarvèl umàṅ fat tgnénd adrē a na striarìa egisiàna.

Soquànt méś dòp un grup ad siensiâ c'n a cap la Carolyn Bramwell (Elizabeth Maclellan) i rìv'n in d'l albêrg ad Toulon par purtàr avànti dgl'indàśin su la mòrt dla Megan Gallagher. Sèg a gh'è anc sò fradèl Patrick (Greg Webb), la Wanda (Charlie Spradling), Lance (Jeff Celentano) e la Camille Kenney (Nita Talbot). Quànd chi lē la vîṅ cupàda e fata sparìr p'r i buratèṅ, sò fiōl Michael (Collin Bernsen) al riva lè par catàr-la.

I putòć

I putòć prutagunìsta dal film i èṅ

  • Blade (Lama, buratèṅ in paltò cun 'n unsèn e na lama a 'l pòst dal maṅ e 'n capèl in cô)
  • Jester (Bufòṅ, al buratèṅ Pierrot)
  • Pinhead (Tèsta 'd gùcia, al buratèṅ umòṅ cun na testulìna pìcula dimóndi cuma 'n gucèṅ)
  • Tunneler (Scavadōr ad galarìi, buratèṅ cun na trivèla in cô)
  • Leech Woman (Sgnōra Sangvétula, buratìna ch'l'armét dal sangvétuli par la bóca)
  • Torch (Tòrsa, buratèṅ vistî da naśìsta cun 'n elmét in cô e di prujètil a 'l pòst di dènt, al gh'à na maṅ sōla mént'r in d'l àtar bras al gh'à 'n dispuśitìṿ spara-fōg)

La saga

La saga dal Puppet Master la mét insém trédas pelìculi dirèti par di regìsta difarènt:

Culegamènt estéran