Ripper - Lettera dall'inferno
|
C'l artìcul chè 'l è scrit in
Miranduléś |
 Ripper
| ||
| Ripper - Lettera dall'inferno | ||
 L'A.J. Cook in na figùra dal film | ||
| Al scurtladōr - Létra da 'l Infèran 2001 | ||
|---|---|---|
| Regìa: John E. Eyres | ||
| Scritōr: John Curtis • Evan Tylor • Pat Bermel | ||
| Atōr: A.J. Cook • Bruce Payne • Ryan Northcott Derek Hamilton • Claire Keim • Jürgen Prochnow Daniella Evangelista • Kelly Brook • Sean Whale | ||
| Müsica: Peter Allen | ||
| Léngua: Ingléś | ||
| Dürä dal film: 112 minüt | ||
| Nasiōṅ: Cànada • Régn Unî | ||
Ripper - Lettera dall'inferno (Al scurtladōr - Létra da 'l Infèran) 'l è 'n thriller ad scarésa dal 2001 ad John E. Eyres.
'L è stâ girâ in Cànada a Victòria.
Sunt
La śōvna Molly Keller (A.J. Cook) la scampa par miràcul a 'n masèl 'd un manìac ch'al fà fóra tut i sò amìg durànt na vacànsa su n'ìśula. Sinc an dòp la s iscrìv a 'n cōrs ad psiculugìa furèns in dua 'l prufesōr Marshall Kane (Bruce Payne) al cònta vita, mòrt e miràcui di sasèṅ seriài più catìṿ dla stòria cuma Jack al Squartadōr. Lì lò al sà incòsa 'd lōr e al gh'à anc scrit un lìbar.
In clas a tgnir adrē a cal lesiòṅ a gh'è anc Jason Korda (Ryan Northcott), la Chantal Etienne (Claire Keim), la Marisa Tavares (Kelly Brook), la Mary-Anne Nordstrom (Daniella Evangelista), l’Andrea Carter (Emmanuelle Vaugier), Aaron Kroeker (Courtney J. Stevens) e Eddie Sackman (Derek Hamilton) ch'al gh próa subìt cun la Molly.
Na sira, durànt na fèsta, la Marisa la s fà śbàt'r in dal cèso da 'n óm mascrâ, pò a gh vîṅ mâł a la tèsta e la vrév turnàr a cà ma in dal tasèl la vîṅ cupàda a scurtlàdi. A s fà viṿ 'l agìnt Kelso (Jürgen Prochnow), ch'l iva jutâ la Molly sinc an prima, e 'l detective al diś ch'al sasèṅ dl'ìśula 'l è turnâ.
Soquànt dè dòp a mōr anc la Mary-Anne, butàda śò da na maśàgna. Al grup al decìd ad lauràr insém par véd'r ad catàr al sasèṅ.