Rossella Falk
|
C'l artìcul chè 'l è scrit in
Miranduléś |
La Rosa Antonia Falzacappa, cgnusùda méj c'n al nóm 'd art ad Rossella Falk (Róma, 10 ad Nuvémbar dal 1926 - Róma, 5 ad Maǵ dal 2013) l'è stada n'atōra 'd cìnema e ad teàt'r itagliàna.
Biugrafìa
La Rossella Falk la taca a lauràr a teàtar in dla secónda mità di an Quàranta quànd la s iscrìv a 'l Acadèmia 'd art dramàtica. In dal 1954 l'è a 'l Teàtar pìcul ad Milàṅ. La dà vōś a i drama ad Tennessee Williams (Un tram ch'a s ciàma deśidèri e Tut 'd un trat l'Istâ pasàda) ma anc a Henrik Ibsen e a Luigi Pirandello.
A 'l cìnema la fà 'l sò debùt in dal 1948 in dal film dramàtic ad Riccardo Freda Guarany. In dal 1964 la tōś part a 8 e 1/2 (Òt e mèś) ad Federico Fellini méntar quàt'r an più tard la fà la Rossella in Quando muore una stella (Quànd a mōr na stéla) ad Robert Aldrich. In di an Stanta l'è impgnàda in soquànt śai cuma La tarantola dal ventre nero (La taràntla da 'l vèntar négar) ad Paolo Cavara, Giornata nera per l'ariete (Giurnàda négra p'r al bric) ad Luigi Bazzoni, Sette orchidee macchiate di rosso (Sèt urchidéi maciàdi 'd rós) 'd Umberto Lenzi e L'assassino... è al telefono (Al sasèṅ... 'l è a 'l telèfun), 'd Alberto De Martino.
Prima 'd murìr in dal 2013, la fà in tèmp a giràr Non ho sonno (A n gh'ò mia són) par Dario Argento.
Filmugrafìa
- 1948 - Guarany, regìa ad Riccardo Freda
- 1953 - Donne proibite, regìa ad Giuseppe Amato
- 1960 - Vento del sud, regìa ad Franco Provenzale
- 1964 - 8 e 1/2, regìa ad Federico Fellini
- 1965 - Made in Italy, regìa ad Nanni Loy
- 1966 - Modesty Blaise, la bellissima che uccide, regìa ad Joseph Losey
- 1968 - Più tardi Claire, più tardi..., regìa ad Brunello Rondi
- 1968 - Quando muore una stella, regìa ad Robert Aldrich
- 1970 - Alba pagana, regìa 'd Ugo Liberatore
- 1971 - La Signora delle Camelie, regìa ad Vittorio Cottafavi Film Tv-Rai
- 1971 - Il segno del comando, regìa ad Daniele D'Anza (1971) Miniserie Tv
- 1971 - La tarantola dal ventre nero, regìa ad Paolo Cavara
- 1971 - Giornata nera per l'ariete, regìa ad Luigi Bazzoni
- 1972 - Sette orchidee macchiate di rosso, regìa 'd Umberto Lenzi
- 1972 - L'assassino... è al telefono, regìa 'd Alberto De Martino
- 1988 - I giorni del commissario Ambrosio, regìa ad Sergio Corbucci
- 1995 - Storie d'amore con i crampi, regìa ad Pino Quartullo
- 2000 - Non ho sonno, regìa ad Dario Argento