Salaam Bombay!
|
C'l artìcul chè 'l è scrit in
Miranduléś |
 Salaam Bombay!
| ||
 Nana Patekar in na figùra dal film | ||
| id. 1988 | ||
|---|---|---|
| Regìa: Mira Nair | ||
| Scritōr: Sooni Taraporevala • Hriday Lani • Mira Nair | ||
| Atōr: Shafiq Syed • Nana Patekar • Hansa Vithal Chanda Sharma • Raghuvir Yadav • Anita Kanwar Irshad Hashmi • Shaukat Azmi • Mohanraj Babu | ||
| Müsica: L. Subramaniam | ||
| Léngua: Hindi • Ingléś | ||
| Dürä dal film: 113 minüt | ||
| Nasiōṅ: Stat Unî • Ìndia • Régn Unî • Frància | ||
Salaam Bombay! (id.) 'l è 'n film dramàtic dal 1988 dla Mira Nair.
'L è stâ preśentâ a 'l 41śum Fèstival ad Cannes in dua 'l à vins la Cambra 'd Òr par la mijōra òpra prima méntar 'l an dòp 'l è stâ candidâ a i Prèmi Òscar in dla categurìa di film furastēr, secónd film indiàṅ ad sèmpar.
Al film 'l è stâ mis da 'l New York Times in da lista di “Mila film mijōr mai fat”.
Sunt
Lasâ da sò màd'r in un cîrc da par lò par purtàr a cà laurànd lè al sincsènt rupìi ch'i gh vōlan par pagàr un sò dèbit, al pìcul Krishna (Shafiq Syed) al vîṅ bandunâ dagnóra subìt da 'l prupritàri (Amrit Patel). Andâ a Bumbèi in trêṅ, al masćèṅ al finìs in dal quartēr a luś rósi 'd Falkland Road. Chè al cgnós un ragàs più grand ciamâ Chillum (Raghuvir Yadav), 'n imbrujòṅ drugâ pódag ch'al scampa faghénd al spaciadōr par cònt ad Baba Golub (Nana Patekar). Chillum al dvènta 'n punt ad riferimènt par Krishna, al pasa 'l tèmp sèg e 'l gh fà al gratùsli, e 'l gh fà catàr anc un pòst ad lavōr in dal bar ad Chacha (Irshad Hashmi) cuma purtadōr ad tè in dal cà di cliènt, un "chaipau".
La mujēr 'd Baba, la Rekha (Anita Kanwar), la fà la putàna e la vrév cambiàr vita ma sò marè al n vōl minga o 'l n pōl briśa cambiàr al ròbi e tuti 'l sò prumési i n còntan gnint. Insém i gh'ànan na putìna pìcula ciamàda Manju (Hansa Vithal) ch'l'è sèmpar da par lē e la n cata ninsòṅ ch'a vója śugàr sèg.
Un dè, mént'r al pòrta dal tè in dal caśèṅ dla Gangubai (Shaukat Azmi), Krishna al cgnós na ragasōla incóra vìrgin ch'l'è péna rivàda da 'l Nèpal p'r èsar vindùda e far la scaja lè, la Sola Saal (Chanda Sharma) da lò ciamàda Sédas Róśi. Al baghét al s inamóra 'd lē e 'l vrév scapàr via sèg. Ma la vita p'r i putèṅ pòvar dal vii 'd Bumbèi i èṅ dimóndi dûri par tut.