Sex and Zen - Il tappeto da preghiera, di carne
|
C'l artìcul chè 'l è scrit in
Miranduléś |
 玉蒲團之偷情寶鑑Yù pútuán zhī tōuqíng bǎojiàn | ||
| Sex and Zen - Il tappeto da preghiera, di carne | ||
 Elvis Tsui e la Mari Ayukawa in na figùra dal film | ||
| Sès e Zen - Al tapē dla préga, ad carna 1991 | ||
|---|---|---|
| Regìa: Michael Mak | ||
| Scritōr: Li Yu • Lee Ying Kit | ||
| Atōr: Lawrence Ng • Kent Cheng • Lo Lieh • Amy Yip Isabella Chow • Carrie Ng • Tim Wong • Elvis Tsui | ||
| Müsica: Chan Wing-leung | ||
| Léngua: Cinéś | ||
| Dürä dal film: 99 minüt | ||
| Nasiōṅ: Hong Kong | ||
Sex and Zen - Il tappeto da preghiera, di carne (Sès e Zen - Al tapē dla préga, ad carna) 'l è 'n film eròtic dal 1991 ad Michael Mak ch'a tōś ispirasiòṅ da 'n lìb'r eròtic cinéś dal 17śum sècul ad Li Yu.
Al gh'à abû dū séguit, Sex and Zen 2 dal 1996 ad Man Kei Chin e Sex and Zen III dal 1998 'd Aman Chang, e 'n arfacimènt, Sex and Zen 3D dal 2011 girâ par Christopher Sun Lap Key.
Sunt
Durànt i an dla dinastìa Ming, al sgnuròt Mei Yung-sheng (Lawrence Ng) al s è mis in tèsta ad dasfrutàr al tèmp ch'la vita la gh dà par catàr al piaśēr sesuàl più grand ch'a sa gh sia. Un dè al cgnós la Huk-Yung (Amy Yip), la fiōla vìrgin 'd un vendidōr dimóndi ric, e al la spóśa. Al n pōl minga però catàr tut cal gudimènt ch'al pascàva parchè al gh 'l à dimóndi pìcul e al gh al fà nutàr Choi Kun-Lun (Lo Lieh), un làdar ch'al gh'iva purtâ via dla ròba ma ch'al s éra pò mis da la sò banda. Lò al n è minga cuntènt parchè sò mujér la n gh basta piò e al vrév invéci purtàr-'s a lèt anc al dóni ad chi àtar cuma la mujér (Mari Ayukawa) 'd al fabricànt ad sēda Wong Chut (Elvis Tsui). Quànd però al véd che lò al gh'à un bigulòṅ grôs dimóndi al decìd ad far-as strapiantàr da 'n cirùsig (Kent Cheng) qvél 'd un cavàl.