Spiritika
|
C'l artìcul chè 'l è scrit in
Miranduléś |
 Witchboard
| ||
| Spiritika | ||
 La Kathleen Wilhoite in na figùra dal film | ||
| id. 1986 | ||
|---|---|---|
| Regìa: Kevin Tenney | ||
| Scritōr: Kevin Tenney | ||
| Atōr: Todd Allen • Tawny Kitaen • Stephen Nichols Kathleen Wilhoite • Burke Byrnes • Rose Marie James W. Quinn • J.P. Luebsen • Kenny Rhodes | ||
| Müsica: Dennis Michael Tenney | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî • Régn Unî | ||
Spiritika (id.) 'l è 'n film ad scarésa americàṅ e britànic dal 1986 scrit e dirèt par Kevin Tenney. Al gh'à abû dū séguit: Spiritika 2 - Il gioco del diavolo in dal 1993 e Spiritika 3 in dal 1995.
In di Stat Unî 'l è stâ bòṅ 'd far sù sèt migliòṅ e quàt'r ad dòlar.
Sunt
Durànt na fèsta fra studènt universitàri, Brandon Sinclair (Stephen Nichols) al tira fóra n'Ouija par pruàr a dascórar c'n al spìrit 'd un putèṅ mòrt a déś an ciamâ David ma 'l sò amìg Jim Morar (Todd Allen) al salta sù dand-'g adòs e faghénd-al rabìr. Al spirìt al s ufénd tajànd al gumi dla màchina 'd Brandon.
Al dè dòp la muróśa 'd Jim, la Linda Brewster (Tawny Kitaen), la cata la tauléta ch'l'éra armàśa a cà sua e la próa a métar-'s in cuntàt cun David ch'al rispónd muvénd la préda par cumunicàr sèg. Al spìrit a 'l inìsi 'l è bòṅ sèg e 'l gh fà catàr anc 'n anèl ch'l'iva pardû ma purtròp a s trata 'd un spìrit catìṿ, qvél dal sasèṅ Carlos Malfeitor ch'al fà sōl finta 'd èsar David.
Al spìrit al taca a cupàr incóra, prima faghénd murìr un culéga 'd Jim, Lloyd (James W. Quinn), pò la medium Zarabeth (Kathleen Wilhoite) che Brandon 'l iva ciamâ in ajùt dòp che la Linda la mustràva 'd avēr-ag di prubléma. Anc Brandon al pèrd la vita masâ da na manàra da marangòṅ. Al tenènt Dewhurst (Burke Byrnes) al dà la cólpa di masamènt a Jim.