Supervixens
|
C'l artìcul chè 'l è scrit in
Miranduléś |
 Supervixens
| ||
| Supervixens | ||
 La Christy Hartburg in na figùra dal film | ||
| id. 1975 | ||
|---|---|---|
| Regìa: Russ Meyer | ||
| Scritōr: Russ Meyer | ||
| Atōr: Shari Eubank • Charles Napier • Haji Uschi Digard • Henry Rowland • Christy Hartburg Colleen Brennan • John Lazar • Stuart Lancaster Deborah McGuire • Charles Pitts • Garth Pillsbury | ||
| Müsica: William Loose • Danny Darst | ||
| Léngua: Ingléś | ||
| Dürä dal film: 106 minüt | ||
| Nasiōṅ: Stat Unî | ||
Supervixens (id.) 'l è 'n film eròtic americaṅ dal 1975 ad Russ Meyer ch'al 'l à anc scrit, senegiâ, prudót, futugrafâ e muntâ.
'L è stâ girâ c'n un budget ad sènt-mila dòlar muciànd-an pò sù darsèt migliòṅ.
Sunt
Clint Ramsey (Charles Pitts) al fà 'l benśinàr e al gh'à na muróśa dimóndi gelóśa, la SuperAngelica (Shari Eubank), ch'la gh stà sèmp'r adòs. Un dè, dòp na litgàda ad c'l àtar mónd in dua lì lē la gh śbragâ 'l furgunsèṅ cun na manàra, un vśèṅ ad cà al ciàma la pulisìa e Harry Sledge (Charles Napier), òṅ 'd qvi lè, al s 'n imprufìta dal fat che Clint 'l è fóra par purtàr-'s-l' a lèt. Purtròp al gh'à 'l mâł dla lumàga e la SuperAngelica la gh rid adrē. Harry al pèrd la tèsta e al la cópa in dla vasca da bagn.
In cal méntar Clint al bév quèl in un bar cun la camaréra SuperHaji (Haji) ch'la gh buta gl'òć adòs ma lò al n in vōl savēr. Quànd la pulisìa la gh dà la cólpa dal masamènt dla sò muróśa, la SuperHaji la n fà gnint par difénd'r-al. 'L óm 'l è acsè custrét a scapàr via par lugàr-as. Lung la via 'l incróśa sèmpar dal tetóni ch'i próvan a métar-'g al maṅ adòs ma lò gnint, in tut al manéri al li ciàpa sèmpar listés da i sò óm e da i sò pàdar.
Un dè al cgnós na dóna cumpàgna a la SuperAngelica, la SuperVixens (Shari Eubank). Lì lē la pâr anc la dóna dla sò vita, a gh'è sōl un prubléma, Harry al s férma lè a far benśìna e al 'l arcgnós.