Unplugged (Alice in Chains)

C'l artìcul chè 'l è scrit in Miranduléś Emiliàn


«
Don't need a gun pointed at me, don't need to run, killer is me, killer is me so the sun shines upon me.»
(EN)(Killer Is Me, 1996)
«
A n gh'ò minga biśógn dna pistòla puntàda cóntar, a n gh'ò minga biśógn ad cùrar, al sasèṅ a sòṅ mè, al sasèṅ a sòṅ mè dònca 'l sōl al m luśa in cô.»
(MUD)
Unplugged
1996
Alice in Chains
Tip 'd àlbum: Da 'l viṿ
Gènar: Grunge
Etichéta: Columbia
Num'r ad braṅ: 13
Duràda: 71:26 minùt
Sìngui: Over Now
Precedènt: Alice in Chains
Sucesìṿ: Nothing Safe: Best of the Box


Unplugged 'l è 'l prim disc da 'l viṿ dal grup alternative metal di Alice in Chains. 'L è stâ registrâ acùstic al 10 'd Avrìl dal 1996 a 'l Majestic Theatre dla Brooklyn Academy of Music p'r al prugràma televiśìṿ MTV Unplugged.

'L è vgnû fóra al 30 ad Luj dal 1996 cuma disc e anc cuma vìddeo cun soquànt pès śuntâ rispèt a la traśmisiòṅ uriginàla. Par l'ucaśiòṅ al grup al s preśénta cun 'n elemènt da piò, Scott Olson di Heart cuma secónda chitàra e bas in d'l ùltim braṅ. Durànt al cuncèrt, ch'al finìs cun 'l inèdit Killer Is Me e ch'al véd fra 'l pùblic i mémbar di Metallica, i n vìnan minga sunâ dal canti dal prim lavōr Facelift.

Layne Staley, ch'al lutàva cun la dipendénsa da l'eruìna, al n è minga tant in bóla fiśicamènt esénd śbiàv'd e śmagrî, in tut al manéri 'l è bòṅ listés ad cantàr cum a s dév. Durànt al pès Sludge Factory 'l invertìs i vèrs e 'l dà 'n taj a la canta c'n un “Fuck!” bèla fòrt.

Braṅ

  1. Nutshell – 4:58 (Jerry Cantrell, Mike Inez, Sean Kinney, Layne Staley)
  2. Brother – 5:27 (Jerry Cantrell)
  3. No Excuses – 4:57 (Jerry Cantrell)
  4. Sludge Factory – 4:36 (Jerry Cantrell, Sean Kinney, Layne Staley)
  5. Down in a Hole – 5:46 (Jerry Cantrell)
  6. Angry Chair (*) – 4:36 (Layne Staley)
  7. Rooster – 6:41 (Jerry Cantrell)
  8. Got Me Wrong – 4:59 (Jerry Cantrell)
  9. Heaven Beside You – 5:38 (Jerry Cantrell, Mike Inez)
  10. Would? – 3:43 (Jerry Cantrell)
  11. Frogs (*) – 7:30 (Jerry Cantrell, Mike Inez, Sean Kinney, Layne Staley)
  12. Over Now – 7:12 (Jerry Cantrell, Sean Kinney)
  13. Killer Is Me (*) – 5:23 (Jerry Cantrell)

I pès cun 'l asterìsc i n èṅ mia stâ mandâ in ónda durànt al prugràma 'd MTV.

Furmasiòṅ

Culegamènt estéran