Villaggio dei dannati
|
C'l artìcul chè 'l è scrit in
Miranduléś |
 Village of the Damned
| ||
| Villaggio dei dannati | ||
 I putèṅ platinâ e catìṿ in na figùra dal film | ||
| Vilàǵ di danâ 1995 | ||
|---|---|---|
| Regìa: John Carpenter | ||
| Scritōr: David Himmelstein • John Wyndham | ||
| Atōr: Christopher Reeve • Meredith Salenger Kirstie Alley • Michael Paré • Linda Kozlowski Pippa Pearthree • Mark Hamill • Squire Fridell | ||
| Müsica: John Carpenter • Dave Davies | ||
| Léngua: Ingléś | ||
| Dürä dal film: 102 minüt | ||
| Nasiōṅ: Stat Unî | ||
Villaggio dei dannati (Vilàǵ di danâ) 'l è 'n film ad scarésa dal 1995 ad John Carpenter arfacimènt 'd un film dal 1960 ad Wolf Rilla, Il villaggio dei dannati. Al tōś ispirasiòṅ da 'n rumànś fantasientìfic dal 1957 ad John Wyndham da 'l tìtul I figli dell'invasione.
'L è custâ vint-a-dū migliòṅ ad dòlar.
Sunt
A Midwich, na sitadìna in sal mâr dla Califòrgna, dòp un mancamènt generàł, déś dóni, cun in mèś anc dal vìrgin, i gh'aṅ tuti 'd avér fiōl. Nóṿ méś dòp i parturìs'n al stés dè di putèṅ fòrt cun di cavìi platinâ, di òć strâṅ e di putēr telepàtic ma una dal sinc fémni la n scampa briśa. Dvintâ baghét i tàc'n a far còpia fisa a part David (Thomas Dekker), fiōl dla prèsida dla scōla, la Jill McGowan (Linda Kozlowski). Chi lò 'l è armàś da par lò e 'l è anc 'l ùnic ch'al gh'à di sentimènt umàṅ quànd tut chi àtar i èṅ invéci sénsa cōr, specialmènt la Mara (Lindsey Haun) ch'l'è la più catìva dal grup. A s trata dla fiōla dal dutōr Alan Chaffee (Christopher Reeve) e ad sò mujér Barbara (Karen Kahn) che però la s è masàda dò avér-la dada a la luś.
Quànd i baghét i sèntar di pinsēr brut su 'd lōr o anc di sentimènt umàṅ i s arlìan dimóndi rivànd anc a far dal mâł o a cupàr la gint. Adès al grup al gh l'à cun la dutōra Susan Verner (Kirstie Alley) ch'l'iva tgnû dacàt al cadàvar dla putìna par studiàr-al.