Volavérunt
|
C'l artìcul chè 'l è scrit in
Miranduléś |
 Volavérunt
| ||
 Perugorría e la Cruz in na figùra dal film | ||
| id. 1999 | ||
|---|---|---|
| Regìa: Juan José Bigas Luna | ||
| Scritōr: Antonio Larreta Bigas Luna • Cuca Canals | ||
| Atōr: Aitana Sánchez-Gijón • Jorge Perugorría Penélope Cruz • Jordi Mollà • Stefania Sandrelli Olivier Achard • Jean-Marie Juan • María Alonso | ||
| Müsica: Alberto García Demestres | ||
| Léngua: Spagnōl • Francéś | ||
| Dürä dal film: 100 minüt | ||
| Nasiōṅ: Spaggna • Frància | ||
Volavérunt (id.) 'l è 'n śal biugràfic dal 1999 ad Juan José Bigas Luna ch'l à adatâ 'l rumànś umònim 'd Antonio Larreta vinsidōr dal Prèmi Planeta dal 1980. La dascór dla vita dla 13śma Duchésa 'd Alba, la Maria Teresa Cayetana de Silva, imparentàda a la lunga dla Cayetana Fitz-James Stuart, dal pitōr Francisco Goya e dla Marìa Luìśa 'd Parma mujér dal rè ad Spaggna Carl IV.
La pelìcula l'è stada preśentàda a 'l Fèstival dal Cìnema ad San Sebastiàṅ dal stés an. Volavérunt 'l è stâ girâ cun mila e duśènt migliòṅ ad peśéta dvintànt òṅ di film più custóś dal cìnema spagnōl.
Sunt
La duchésa 'd Alba María del Pilar Teresa Cayetana de Silva y Alvarez del Toledo (Aitana Sánchez-Gijón) l'è na bèla dóna, ambisióśa e dimóndi purcùsa. L'è l'amànta dal prim minìstar Manuel Godoy (Jordi Mollà) ma la gh'à anc na relasiòṅ c'n al pitōr Francisco Goya (Jorge Perugorría) ch'al la tira śò cun la pèpa a 'l vènt, la Maja desnuda, faghénd un quàdar ciamâ Volavérunt. La dóna la fà anc di tragatèṅ par cuciàr in élt al prìnsip Fernànd VII (Zoe Berriatúa), nemìg ad Godoy, cónt'r i sò genitōr, al rè Carl IV (Carlos La Rosa) e la sò mujér ad Parma, la Marìa Luìśa (Stefania Sandrelli). Anc chi lē l'è na malnéta 'd prim órdan, la s gusa dimóndi óm e l'è nemìga dla duchésa 'd Alba e dla Duchésa 'd Ósùna (Ayanta Barilli). Godoy, par tgnir stric al putēr, al decìd 'd andàr a lèt cun la parmśàna.
Al 22 ad Luj dal 1802 la Cayetana la dà na fèsta cun dimóndi invidâ cuma la Pepita Tudó (Penélope Cruz), amànta 'd Godoy e mudèla 'd Goya. La matìna dòp la duchésa la vîṅ catàda mòrta in dal sò lèt ch'la gh'iva sōl quarànt'an. È-la stada masàda o è-la mòrta da par lē?