La śguladûra l'è 'l tài ch'al tōś un vistî, na màja o na camiśa in sul davanti arèint a 'l côl o a 'l gulèt.
El sguladûri i àn da èser diferèinti prìma 'd tùt s'a s perla 'd vistìdi da òm o 'd quìli da dóna; pò s'a s descòr ed vistìdi sportìvi piutôst che da sira, da tùt i dè piutôst che dala fèsta. In dal śōg dal śguladûri, cal dòni i pólen mèter più o meno in evidèinsa, anca 'd gióren, al só decoltè.
Manéri 'd dir
(EGL) La gh'à na śguladûra da vertìgin, (IT) Ha una scollatura da vertigini.
(EGL) Al descòr śgulê[1], (IT) Parla scollacciato.
(BLG) La Marini l'avèva una gran scalvadûra ch'la lasèva vàdder parfèn al blîguel[2], (IT) La Marini aveva una scollatura tanto profonda che si vedeva persino l'ombelico.