Agentejo pri Fundamentaj Rajtoj de Eŭropa Unio
| Agentejo pri Fundamentaj Rajtoj de Eŭropa Unio | ||
|---|---|---|
| ||
decentralised agency of the European Union (en)  
| ||
| Komenco | 15-a de februaro 2007 | |
| Antaŭe | European Monitoring Centre on Racism and Xenophobia vd | |
| Geografia situo | 48° 11′ 53″ N, 16° 22′ 29″ O (mapo)48.19816816.374617Koordinatoj: 48° 11′ 53″ N, 16° 22′ 29″ O (mapo) | |
| Sidejo |  Vieno
| |
| Adreso | Schwarzenbergplatz 11A, 1040 Vienna | |
| ||
 Agentejo pri Fundamentaj Rajtoj de Eŭropa Unio | ||
| Tipo | Agentejoj de la Eŭropa Unio | |
| Celo | Homrajta kontrolado | |
| Agareo | ||
| Estr(ar)o | Michael O'Flaherty | |
| Retejo | Oficiala retejo | |
La Agentejo pri Fundamentaj Rajtoj de Eŭropa Unio (angle European Union Agency for Fundamental Rights (konata akronime FRA), france Agence des droits fondamentaux de l’Union européenne, germane Agentur der Europäischen Union für Grundrechte) estas komunuma agentejo kreita la 15-an de februaro 2007 per regularo de la Konsilio anstataŭanta la Eŭropan Observatorion por Fundamentaj Rajtoj, Rasismoj kaj Ksenofobiaj Fenomenoj. Ĝi havas sidejon en Vieno, Aŭstrio.
Kreo
[redakti | redakti fonton]La Agentejo pri Fundamentaj Rajtoj estis kreata de la regularo No 168/2007 de la Konsilio de la 15-a de februaro 2007, kiu asertas:
- "Per disvolvado de la nuna Eŭropa Kontrola Centro pri Rasismo kaj Ksenofobio, necesas do krei Eŭropunian Agentejon por Fundamentaj Rajtoj, kiu provizus la instituciojn kaj kompetentajn aŭtoritatojn de la Komunumo kaj de la membroŝtatoj kiam ili efektivigas komunumajn juron, per informoj, helpo kaj kompetentoj en la fako de fundamentaj rajtoj, por helpi ilin plene respekti ilin kiam, en siaj respektivaj kompetentaj kampoj, ili prenas rimedojn aŭ difinas agojn."[1]
Priskribo
[redakti | redakti fonton]Respekto al homaj rajtoj kaj fundamentaj liberecoj estas komuna valoro, kunhavata de ĉiuj membroŝtatoj de Eŭropa Unio. Laŭ Artikolo 6 de la Traktato pri Eŭropa Unio: "La Unio respektas fundamentajn rajtojn, kiel garantias la Eŭropa Konvencio por Protekto de Homaj Rajtoj kaj Fundamentaj Liberecoj, subskribita en Romo la 4an de novembro 1950, kaj kiel ili rezultas el la konstituciaj tradicioj komunaj al la membroŝtatoj, kiel ĝeneralaj principoj de la komunuma juro. "
La celo de la Agentejo estas provizi al la kompetentaj institucioj kaj aŭtoritatoj de la Unio kaj de la membroŝtatoj helpon kaj kompetentecon en la fako de fundamentaj rajtoj kiam ili efektivigas la komunuman juron, same kiel helpi ilin efektivigi rimedojn kaj difini taŭgajn agojn.
Roloj de la agentejo
[redakti | redakti fonton]Ĝi havas kvin respondecojn:
- Kolekti, analizi kaj disvastigi fidindajn kaj objektivajn datumojn;
- Plibonigi la kompareblecon kaj fidindecon de datumoj per novaj metodoj kaj normoj;
- Plenumi kaj / aŭ antaŭenigi la efektivigon de esploroj kaj studoj en la fako de fundamentaj rajtoj;
- Formuli kaj publikigi konkludojn kaj opiniojn pri specifaj temoj, aŭ memstare aŭ laŭ la peto de la Eŭropa Parlamento, la Konsilio aŭ la Komisiono;
- Antaŭenigi dialogon kun civila socio por altigi publikan konscion pri fundamentaj rajtoj.
La Agentejo principe traktas ĉiujn rajtojn difinitajn en la Ĉarto de Fundamentaj Rajtoj, sed la Eŭropa Komisiono elektis limigi la agadkampon de la nova agentejo al iuj temaj areoj, redifinitaj kiel kaj kiam. Ĝi estas "observa kaj taksada agentejo specialigita pri uniaj politikoj"[2].
La elekto de temoj por plua studado estas temo de diversaj konsultoj, inkluzive ene de la Eŭropa Parlamento[3].
La Agentejo ankaŭ traktas la rajtojn de GLAT-homoj kontraŭ diskriminacio bazita sur seksa orientiĝo kaj genra identeco[4]
La Agentejo ne rajtas trakti individuajn plendojn aŭ fari reguligajn decidojn.
Organizo
[redakti | redakti fonton]Ĝi konsistas el la jenaj kvar instancoj:
- direktoro, respondeca pri la ĉiutaga administrado de la Agentejo, same kiel pri la preparado kaj efektivigo de la ĉiujara laborprogramo;
- administra estraro, respondeca certigi la bonan funkciadon de la Agentejo, starigi la projektajn buĝetajn kaj laborajn programojn kaj kontroli ilian efektivigon;
- plenuma oficejo, respondeca helpi la estraron;
- scienca komitato, respondeca por certigi la sciencan kvaliton de la laboro de la Agentejo.
Ĝi kunlaboras proksime kun civila socio por interŝanĝi informojn per kunlabora reto nomata "Fundamenta Rajta Platformo" konsistanta el neregistaraj homrajtaj organizaĵoj, sindikatoj kaj dungintaraj organizoj , kompetentaj soci-profesiaj organizaĵoj, eklezioj, religiaj, filozofiaj kaj ne-konfesiaj organizaĵoj, universitatoj kaj aliaj kompetentaj fakuloj de eŭropaj kaj internaciaj organizaĵoj kaj instancoj[1].
Referencoj
[redakti | redakti fonton]- ↑ 1,0 1,1 Regularo No 168/2007 de la Konsilio de la 15-a de februaro 2007[rompita ligilo] (arkivo)
- ↑ Modalecoj de la kreo de la Agentejo pri Fundamentaj Rajtoj Arkivigite je 2006-06-28 per la retarkivo Wayback Machine (arkivo), Eŭropa Komisiono, junio 2005
- ↑ Konsultado (arkivo) ĉe EUR-lex
- ↑ Homofobio kaj Diskriminacio pri Seksa Orientiĝo en la EU-membroŝtatoj Parto I - Jura Analizo (arkivo) ĉe la retejo de la Agentejo pri Fundamentaj Rajtoj