Anseranasedoj

Kiel legi la taksonomion Anseranasedo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Anseroformaj Anseriformes Familio: Anseranasedoj Anseranatidae Sclater, 1880
Konserva statuso
Konserva statuso: Malplej zorgiga
Aliaj Vikimediaj projektoj
Sistematiko en Vikispecioj
Komunejo pri Anseranasedo
v • d • r

Anseranasedoj (Anseranatidae) estas familio el la anasa ordo el la birda klaso de vertebruloj, kio havas nur unu genron kaj nur unu specion. Tiu estas la Piga ansero (Anseranas semipalmatus), kiu estas loĝanta reproduktulo en norda Aŭstralio kaj en suda Novgvineo.

Sistematiko kaj evoluo

Tiu familio estas lokita en la ordo Anseroformaj, kaj havas la karakteran bekostrukturon, sed ĝi estas konsiderata distinga el aliaj familioj en tiu taksono. La rilataj kaj nunaj familioj, Anhimedoj (kriuloj) kaj Anasedoj (anasoj, anseroj kaj cignoj), enhavas ĉiujn aliajn taksonojn.^[1]

Kladistika studo de la morfologio de anseroformaj trovis, ke la Piga ansero estas frua kaj distinga posteulo, diverĝinta post kriuloj kaj antaŭ ĉiuj aliaj anasoj, anseroj kaj cignoj.^[2]

Tiu familio estas tre malnova, fakte vivanta fosilio, kiu ŝajne diverĝis antaŭ la kretacea-terciara evento – la parenco Vegavis iaai vivis antaŭ ĉirkaŭ 68-67 milionoj da jaroj. La registro de fosilioj estis limigita, tamen. La enigma genro Anatalavis (kuŝejo Hornerstown de fina Kretaceo aŭ komenca Paleoceno de Nov-Ĵerzejo, Usono – kaj London Clay de komenca Eoceno de Walton-on-the-Naze, Anglio) estas foje konsiderata la plej frua konata anseranasedo. Alia birdo el Paleogeno foje konsiderata anseranasedo estas Anserpica, el fina Oligoceno de Billy-Créchy (Francio).^[3] La plej frua konata membro de la grupo en Aŭstralio estas Eoanseranas handae reprezentata de fosilioj trovitaj el kuŝejoj de fino de la Oligoceno de Carl Creek Limestone de Kvinslando. Aldonaj fosilioj el Norda Ameriko kaj Eŭropo sugestas, ke la familio disvastiĝis tutmonde dum la fina periodo de Paleogeno.^[4]

Bildaro

• 
• 
  Ripoza paro
• 
• 

Referencoj

1. Myers, P.; Espinosa, R.; Parr, C.S.; Jones, T.; Hammond, G.S. & Dewey, T.A. (2008): Animal Diversity Web – Family Anseranatidae.
2. (1986) “A phylogenetic analysis of recent anseriform genera using morphological characters”, Auk (Full text) 103 (4), p. 737–754.  Arkivigite je 2020-02-17 per la retarkivo Wayback Machine
3. Hugueney, Marguerite; Berthet, Didier; Bodergat, Anne-Marie; Escuillié, François; Mourer-Chauviré, Cécile & Wattinne, Aurélia (2003). “La limite Oligocène-Miocène en Limagne: changements fauniques chez les mammifères, oiseaux et ostracodes des différents niveaux de Billy-Créchy (Allier, France)”, Geobios 36 (6), p. 719–731. doi:10.1016/j.geobios.2003.01.002. 
4. Worthy, T.H. and Scanlon, J.D. (2009). “An Oligo-Miocene Magpie Goose (Aves: Anseranatidae) from Riversleigh, Northwestern Queensland, Australia”, Journal of Vertebrate Paleontology 29, p. 205. doi:10.1671/039.029.0103. 

• Kategorio Anseranasedoj en la Vikimedia Komunejo (Multrimedaj datumoj)
• Anseranasedoj en Vikispecioj (Kolekto pri ĉiuj vivantaj estuloj)