Aĉalpur | |||
---|---|---|---|
![]() | |||
setlejo ![]() | |||
Administrado | |||
Poŝtkodo | 444806 | ||
En TTT | Oficiala retejo [+] | ||
Demografio | |||
Geografio | |||
Geografia situo | 21° 15′ N, 77° 31′ O (mapo)21.25722222222277.508611111111Koordinatoj: 21° 15′ N, 77° 31′ O (mapo) [+] | ||
Alto | 369 m [+] | ||
Areo | 16,54 km² (1 654 ha) [+] | ||
Horzono | UTC + 05:30 | ||
| |||
| |||
Alia projekto | |||
![]() | |||
Aĉalpur, laŭ marate अचलपूर estas urbego, ankaŭ municipo en Barato, en subŝtato Maharaŝtro, en distrikto de Amravati. Aĉalpur estis antaŭe konata kiel Elliĉpur aŭ Illiĉpur.
Aĉalpur troviĝas en meza parto de Barato en alteco de 369 m. Amravati troviĝas 46, Betul (Madja-Pradeŝo) 80, Akola 83, Burhanpur 134, Nagpuro 162, Ĝalgaon 204, subŝtata ĉefurbo Mumbajo 554, tutlanda ĉefurbo Delhio 818, Kolkato 1128 kilometrojn (aere) [1].
Laŭ la censo en 2011 Aĉalpur havis populacion de 112 293. La legopovo estis en la sama jaro 88%, laŭ germana Vikipedio 91,5%.
Aĉalpur estis sidejo de Raŝtrakuta dinastio en la 8-a jarcento. Ĝi restis sub hindua administrado ĝis 1318, poste rekte sub islama administrado el Delhio. Baldaŭ diversaj sultanlandoj sekvis, pli poste la Mogola Imperio. En 1853 la areo estis deklarita parto de Brita Imperio, tamen formale parto de la Hajderabado-ŝtato ĝis 1903, poste jam plenrajte.
Dum la brita rego Aĉalpur estis loko de prilaborado de kotonoj kaj arbarproduktaĵoj, sed ankaŭ la komerco estis vigla.
La religioj en Aĉalpur estas hinduismo (54,5%), islamo (39,5%), budhismo (5%), ĝajnismo kaj kristanismo ĉirkaŭ (0,5%).
La ĉefa (oficiala) lingvo en Aĉalpur estas la marata.
Al Aĉalpur kuras 3 vojoj kaj ĉi tie estas la finstacio de etŝpura fervojo.
Aĉalpur havas tropikan klimaton (Aw) kun influo de musono. La averaĝa pluvo jare estas pli ol 800 mm. En ĉiuj monatoj pluvas, sed pli ofte inter junio-septembro. La temperaturo varias inter 20-33 °C.