Barejno en la Olimpikoj
Sportista teamo de 
Barejno en la Olimpikoj ekde la jaro 1984 ĝis inkluzive la olimpiko de 2020, pro la kronvirusa pandemio prokrastita al somero 2021, partoprenis en ĉiuj someraj eldonoj de la sporta evento. En vintraj olimpikoj ankoraŭ neniam estis Barejnaj partoprenantoj.
La teamo ĝis la stato de somero 2012 ankoraŭ neniam atingis olimpikan medalon. Tio ŝanĝiĝis en la Somera Olimpiko 2012 en Londono, kie atingeblis la unua ormedalo. Ankaŭ en Somera Olimpiko 2016 en Rio kaj la Somera Olimpiko 2020, fakte en 2021, en Tokio atingiĝis po 1-2 medaloj. Aparte sukcesa la teamo estis en la Somera Olimpiko 2024 de la 26-a de julio ĝis la 11-a de aŭgusto 2024 en Parizo, Francio, Eŭropa Unio: tie la teamo sume atingis 4 medalojn, 2 orajn, arĝentan kaj bronzan, kaj sekve ricevis la 33-an rangon en tiu olimpiko, kaj nun per sume 4 oraj, 3 arĝentaj kaj bronza medaloj havas la 96-an rangon en ĉiuj olimpikoj.
Kunordigas la teamon la Barejna Olimpika Komitato.
Eksteraj ligiloj
[redakti | redakti fonton]- oficiala retejo Arkivigite je 2018-11-25 per la retarkivo Wayback Machine (angle)
- paĝo en la retejo de la Internacia Olimpika Komitato (france kaj angle)
