Büron
|
Por samtitola artikolo vidu la paĝon Büron-Bad Knutwil (stacidomo). |
| Büron | |
|---|---|
 | |
| komunumo en Svislando | |
| Kantono | Lucerno |
| Distrikto | Sursee |
| Koordinatoj | 47° 12′ 48″ N 8° 5′ 41″ O / 47.21333 °N, 8.09472 °O (mapo)Koordinatoj: 47° 12′ 48″ N 8° 5′ 41″ O / 47.21333 °N, 8.09472 °O (mapo) |
|
| |
| Nombro de loĝantoj | 2124 |
| Areo | 5,37 km² |
| Alteco | 511 m super marnivelo |
| Poŝtkodo | 6233 |
| Komunumkodo | 1082 |
 | |
Pri la komunumo
[redakti | redakti fonton]Büron estas komunumo en la distrikto Sursee en Kantono Lucerno, Svislando. Ĝi havis 2124 loĝantojn je la 31-a de decembro 2008.
Geografio
[redakti | redakti fonton]Büron situas ĉe la orienta bordo de la rivero Suro proksimume 6 kilometrojn norde de la distriktĉefurbo Sursee. Tra la vilaĝo fluas la rojo Weiherbach, kiu alfluas al Suro.
La komunuma teritorio etendiĝas sura areo de 5,36 km², de kiuj 16,5% estas kovritaj de arbaro, 67,0 servas por agrikulturo kaj 15,6 por setlado. [1]
Najbaraj komunumoj
[redakti | redakti fonton]La komunumo Büron limas en nordokcidento al Triengen, en nordoriento al Schlierbach, en sudoriento al Geuensee, kaj en sudokcidento al Knutwil.
Trafiko
[redakti | redakti fonton]La komunumo estas konektita al la publika transportreto per la poŝtaŭtolinio de Sursee al Schöftland. Tra la komunumo pasas kantona ĉefvojo de Sursee al Araŭo. La plej proksima alveturejo al la svisa aŭtovojo A2 troviĝas 6 kilometrojn sude en Sursee.
Historio
[redakti | redakti fonton]La unua dokumenta mencio de Büron datiĝas el la jaro 1130 kiel Burron. [2]
En la arbaro Gibelwald estis trovitaj tomboj de la Hallstatt-kulturo el la 1-a jarmilo a.K.. En Muracher oni trovis en la jaro 1942 la fundamentojn de romia biendomo.
Proksimume en la 12-a jarcento estis konstruita la Kastelo Büron, kiu estis la prasidejo de la Baronoj de Büron, kies idoj post fariĝis la Baronoj de Arburgo. En la jaro 1260 Ulriko de Arburgo donacis sian tutan havaĵon al la Abatejo Beromünster, kaj rericevis ĝi de ili kiel herda feŭdo. En la jaro 1455 Hermann de Rüssegg, la edzo de la lasta baronino de Arburgo, vendis la vilaĝon Büron al la urbo Lucerno, kiu atribuis ĝis la la kamparvoktejo Büron-Triengen. Dum la tempo de la Helveta Respubliko de 1798 ĝis 1803 la komunumo apartenis al la helveta distrikto Sursee, kaj ek de 1803 al la distrikto Sursee de Kantono Lucerno.
Notoj kaj referencoj
[redakti | redakti fonton]- ↑ Fonto: Profilo de la komunumo sur la kantona retejo[rompita ligilo]
- ↑ Fonto: Walter Frey: Büron en Historia Leksikono de Svislando (16.2.2005)
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Oficiala retejo de la komunumo Büron
- Profilo de la komunumo sur la retejo de la kantono[rompita ligilo]
- Büron en la Historia Leksikono de Svislando
| Distrikto Sursee | ||
|---|---|---|
 |
Beromünster - Büron - Buttisholz - Eich - Geuensee - Grosswangen - Hildisrieden - Knutwil - Mauensee - Neudorf - Neuenkirch - Nottwil - Oberkirch - Pfeffikon - Rickenbach - Ruswil - Schenkon - Schlierbach - Sempach - Sursee - Triengen - Wolhusen |
_kaj_Lago_de_Sempach_viditaj_de_Pilato.jpg) |