Municipo Bělá u Jevíčka (germane Albendorf) situas en Ĉeĥio, regiono Pardubice, distrikto Svitavy, en valo de Malonínský potok en subregiono Malá Haná, 6 km okcidente de urbo Jevíčko. Vivas ĉi tie 357 loĝantoj (2024).
La najbaraj municipoj de la setlejo estas Jevíčko, Velké Opatovice, Březina kaj Slatina.
La vilaĝo Bělá estis verŝajne fondita de slavoj, sed pli poste organizita laŭ germana rajto. Blazono de la vilaĝo, tri koroj kaj sub ili grena garbo, atestas, ke ĝi estis slava agrikultura setlejo. Tamen unue ĝi estis menciata kiel Alberndorf en la jaro 1258, kiam ĝi estis ligata al juĝa kompetenteco de la urbo Jevíčko. En la jaro 1396 Sulík el Radkov donacis vilaĝon Bělá al la aŭgustiana monaĥejo en Jevíčko. Post nuligo de la monaĥejo vendis religia fonduso la vilaĝon en la jaro 1789 al la sinjorejo de Borodín. Monaĥeja mastruma korto estis poste en la jaro 1796 parceligita. Plejparto de la loĝantaro ĉiam apartenis al la ĉeĥa nacieco, germana loĝantaro estis nur minorita. Lernejo estis en la vilaĝo fondita en la jaro 1788 kaj en la jaro 1810 estis konstruita nova lerneja domo.
Malgraŭ Bělá estis ĉefe agrikultura vilaĝo, ĝis 80-aj jaroj de la 19-a jarcento oni minis ĉi tie brunan karbon. Estis ĉi tie ankaŭ argilejo, muelejoj kaj segejoj, produktejo de alkoholaĵoj kaj de la jaro 1860 ankaŭ ŝparkaso.
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|
| 1869 | 828 |
|---|
| 1880 | 768 |
|---|
| 1890 | 848 |
|---|
| 1900 | 854 |
|---|
| 1910 | 881 |
|---|
| 1921 | 892 |
|---|
| Jaro | Loĝantoj |
|---|
| 1930 | 852 |
|---|
| 1950 | 630 |
|---|
| 1961 | 642 |
|---|
| 1970 | 560 |
|---|
| 1980 | 476 |
|---|
| 1991 | 395 |
|---|
| Jaro | Loĝantoj |
|---|
| 2001 | 380 |
|---|
| 2011 | 355 |
|---|
| 2014 | 352 |
|---|
| 2016 | 351 |
|---|
| 2017 | 356 |
|---|
| 2018 | 373 |
|---|
| Jaro | Loĝantoj |
|---|
| 2019 | 359 |
|---|
| 2020 | 355 |
|---|
| 2021 | 331 |
|---|
| 2022 | 353 |
|---|
| 2023 | 357 |
|---|
| 2024 | 357 |
|---|
La vilaĝo troviĝas en pentrinda valo de Malonínský rivereto, kiu nature dividas tri domarojn de la municipa komunumo: Bělá, Malonín kaj Smolná. Bělá, nomata laŭ blankigado de lina tolo, Malonín laŭ la unua koloniisto nomata Maloň kaj Smolná laŭ rezino, kiun oni ĉi tie en la arbaro kolektadis. La vilaĝoj havas bone konservitan naturan medion, estas ĉi tie elementoj de popola kaj sakra arkitekturo historie valoraj, nome statuo de Sankta Johano Nepomuka, kapeleto kun kampanileto en Malonín, kapeleto kun kampanileto en Smolná kaj monumento al viktimoj de la unua mondmilito.
| Partoj de municipo Bělá u Jevíčka (2) |
|---|
|
|
Ĉeĥio
Vikimedia Komunejo: Bělá u Jevíčka
Portalo pri Ĉeĥio
