Cibakháza

Cibakháza
grandvilaĝo
La administra domo de Cibakháza
Flago Blazono
Oficiala nomo: Cibakháza
Lando	Hungario
Regiono	Norda Ebenaĵo
Departemento	Jász-Nagykun-Szolnok
Rivero	Tiso
Areo	38 km² (3 800 ha)
Loĝantaro	4 117 (01.01.2015)
Denseco	108,34 loĝ./km²
Horzono	MET (UTC+1)
- somera tempo	MEST (UTC+2)
Poŝtkodo	5462
Telefona antaŭkodo	56
Vikimedia Komunejo: Cibakháza
Retpaĝo: www.cibakhaza.hu

Cibakháza [cibakhAza] estas grandvilaĝo kun titolo vinvilaĝo en Hungario, en regiono Norda Ebenaĵo, en departemento Jász-Nagykun-Szolnok, en distrikto Kunszentmárton. La loknomo signifas hungare: domo de Cibak, kiu estis historia figuro. Loke la mallonga loknomo estas Cibak.

Morta Tiso, fone Cibakháza kaj la banejo

Geografio

Cibakháza situas sur ebenaĵo, Tiso preterfluas, laŭ ĉefvojo Szolnok-Kunszentmárton. La lasta urbo troviĝas je 18, Szolnok je 34, Mezőtúr je 36, Budapeŝto je 120 km-oj.

Preĝejo de Cibakháza

Historio

La komunumo estis menciita unue en 1456, en 1465 ĝi iĝis kampurbo. La turkoj faris senhoma la urbeton, kiu refondiĝis en 1717 kaj rericevis la rangon kampurbo en 1832. La vilaĝo situis ĉe la maldekstra flanko de Tiso, kie estis grava trapasejo, sekve doganejo. En 1849 la hungaraj taĉmentoj sukcese profitis la trapasejon kaj forpuŝis la aŭstrajn militistojn. Pli poste tie okazis la plej granda kanaligo de Tiso. 16 km-ojn longa branĉo ĉesis, tio iĝis Morta Tiso, la urbeto perdis kaj la riveron, kaj la trapasejon. Sekve la vilaĝo velketas.

Famuloj

En Cibakháza naskiĝis:

• aktorino Gizi Fekete
• jurhistoriisto Ödön Both.

Vidindaĵoj

• romkatolika Preĝejo de Ĉiuj Sanktuloj (Cibakháza) de 1760, en 1840 pligrandigita, la turo estas 28 m-ojn alta
• Lago de Cibakháza

Fontoj

• Hungara Vikipedio