Computer Foreign Exchange
| Computer Foreign Exchange | |
|---|---|
|
| |
| Disvolvo | Avalon Hill |
| Eldoninto | Avalon Hill |
| Dato de lanĉo | 1982 |
| Platformo | TRS-80 |
| Ĝenro | Ekonomia simulada videoludo |
Computer Foreign Exchange (esperante Komputila Valutinterŝanĝo) estas ekonomia simulada videoludo eldonita en 1982 de Avalon Hill por la komputilo TRS-80.
Ludomaniero
[redakti | redakti fonton]En Computer Foreign Exchange, la ludanto agas en la nomo de usona transnacia firmao, provante akumuli monon kiel eble plej rapide.[1]. Ĝi estas videoluda adapto de la tabulludo ankaŭ fare de Avalon Hill en 1979. Ĝi konservas ĉiujn originalajn regulojn kaj opciojn kaj povas esti ludata de du ĝis kvar ludantoj. Ĝi tamen ne inkluzivas kontraŭulojn kontrolitajn de artefarita inteligenteco.
Ĉiu ludanto transprenas kontrolon de entrepreno kun aktivoj ĉirkaŭ la mondo. La luda mondo konsistas el 24 urboj en naŭ landoj, kiuj estas egale dividitaj inter la ludantoj. Komence, ĉiu ludanto havas unu vendoficejon en ĉiu kontrolita urbo. La unua fazo de la ludo estas komerca sesio, kie ludantoj povas interŝanĝi kontrolitajn urbojn. Ludantoj devus strebi al teno de ĉiuj urboj en unu lando, ĉar tio ebligas konstrui fabrikajn filiojn kaj tiel pligrandigi profitojn.
Recenzo
[redakti | redakti fonton]Bob Proctor recenzis la ludon por Computer Gaming World kaj deklaris ke "ĉi tio estas deca ludo kaj bona programo kondiĉe ke vi havas iun por ludi kun vi. La prezo estas ĝusta kaj ĝi bezonas nur 16K!"[1]