Coruche

Coruche
urbo de Portugalo (1182 (Gregoria)–); municipo de Portugalio vd
Flago	Blazono
Administrado
Poŝtkodo	2100
En TTT	Oficiala retejo [+]
Demografio
Loĝantaro	19 944 (2011) [+]
Loĝdenso	18 loĝ./km²
Geografio
Geografia situo	38° 57′ N, 8° 32′ U (mapo)38.95-8.5333333333333Koordinatoj: 38° 57′ N, 8° 32′ U (mapo) [+]
Areo	1115,72 km² ( 111 572 ha) [+]
Horzono	UTC±00:00 [+]
	Coruche (Portugalio)
	Situo de Coruche
Alia projekto
	Vikimedia Komunejo Coruche [+]
	v • d • r

Coruche estas portugala urbo de la provinco Ribatejo (la nomo Ribatejo signifas proksimume Ĉetaĵejo), subregiono Lezíria do Tejo kaj de la Distrikto Santarém kun ĉirkaŭ 9 000 loĝantoj.

La urbo Coruche estas sidejo de la municipo Coruche, kun 1 115,72 km² de areo (unu el la plej ampleksaj de Portugalio) kaj apenaŭ 17 356 loĝantoj (2021), subdividita en ses freguesias. La municipa teritorio limas norde kun la municipoj Almeirim kaj Chamusca, nordoriente kun Ponte de Sor, oriente kun Mora, sudoriente kun Arraiolos, sude kun Montemor-o-Novo kaj kun eksklavo de Montijo, okcidente kun Benavente kaj nordokcidente kun Salvaterra de Magos.

Historio

Homan setladon laŭlonge de la valo de la rivero Sorraia atestas multnombraj arkeologiaj restaĵoj, rilataj al naturaj resursoj, kiuj konfirmas kontinuan homan loĝadon ekde la Paleolitiko. Datita inter la 5a kaj la 3a jarmiloj a.n.e., la megalita komplekso de Coruche, estas komponita de ĉirkaŭ trideko da monumentoj, ĉe kiuj esploris en la 1930-aj jaroj Profesoro Manuel Heleno, tiam direktoro de la Nacia Muzeo de Arkeologio. Asocie al dolmenoj kaj aliaj megalitoj oni trovis restaĵojn, rekte rilataj kun la funebra kulto de la Ĥalkolitiko.

Ankaŭ romianoj lasis restaĵojn en la valo de Sorraia, kio sugestas loĝadon koncentritan ĉe la rivero kaj intensan ruran okupadon inter la 1-a kaj 5-a jarcentoj, uzante la komunikvojon de la rivero. En la islama periodo, Coruche, pro sia geografia loko, ludis gravan rolon en la strategio inter la urboj Ksantarîn (Santarém) kaj Yâbura (Évora), kaj tiukadre oni konstruis fortikaĵon kiu poste dum la procezo de kristana konkero ludis gravan rolon. Afonso Henriquesalvenis ĝis Coruche en 1166, kaj komisias la tenadon de la areo, en 1176, al la militordeno de la monaĥoj de Évora aŭ de Sankta Bento, poste Ordeno de Aviso. La unua foruo de Coruche estis donita de Afonso Henriques la 26an de Majo 1182, laŭ la modelo de Évora, konfirmita de Sanĉo la 1-a en 1189, kaj de Afonso la 2-a en 1218, kaj tio daŭris ĝis la regado de Manuelo la 1-a, kiam tiu, en la 16-a jarcento, entreprenis reformon de foruoj.

Submunicipoj

Coruche havas jenajn freguesías:

Biscainho
Branca
Coruche, Fajarda e Erra
Couço
Santana do Mato
São José da Lamarosa

Vidindaĵoj

Pilorio de Coruche
Ponto Coroa
Municipa Muzeo de Coruche
Preĝejo Misericórdia kaj aliaj preĝejoj
Fontoj en Santana do Mato kaj São José da Lamarosa
Gravaj korkokverkoj

Bildaro

Couço: Praça da República
Couço: tipaj domoj.

Vidu ankaŭ

Eksteraj ligiloj

Kategorio Coruche en la Vikimedia Komunejo (Multrimedaj datumoj)

Bibliotekoj