Crisis Mountain
| Crisis Mountain | |
|---|---|
|
| |
| Disvolvo | Apple II David Schroeder 8-bita Atari Ron Aldrich[1] Commodore 64 Lloyd D. Ollman Jr.[1] |
| Eldoninto | Synergistic Software Creative Software (C64, VIC) Comptiq (FM-7, PC-88) |
| Dato de lanĉo | 1982: Apple 1983: Atari 8-bit 1984: C64, FM-7, PC-88 |
| Platformo | Apple II, 8-bitaj Atari-komputiloj, Commodore 64, FM-7, PC-88, VIC-20 |
| Ĝenro | Platforma videoludo |
| Ludomaniero | unuludanta videoludo |
Crisis Mountain (esperante Kriza Monto) estas platforma videoludo verkita de David H. Schroeder por Apple II kaj publikigita de Synergistic Software en 1982. Cetera versio por 8-bitaj Atari-komputiloj estis eldonita en 1983. Creative Software publikigis kartoĉajn versiojn por Commodore 64 kaj VIC-20. Versioj por FM-7 kaj la komputilserio PC-88 fine estis eldonitaj fare de Comptiq.
En Crisis Mountain, la ludanto devas malaktivigi bombojn lasitajn en kaŝejo sub vulkano, kiu estis forlasita de teroristoj. Ĝi estas unu el la plej fruaj ludoj kun regeneranta sano. La ludanto ne ĉiam mortas pro individua akcidento : sano, tie nomita "forto", estas montrita kiel nombro de 0 ĝis 3, kaj post vundiĝo ĝi malrapide pliiĝas.[2]
Schroeder poste evoluigis Dino Eggs por Apple II.
Ludomaniero
[redakti | redakti fonton]
La ludanto kuras, saltas, genuas, kaj rampas tra vulkana kaŝejo, provante atingi bombojn kun tempolimigitaj detoniloj. La elfoso de bombo malaktivigas ĝin, kaj estas pli rapida se la ludanto trovas fosilon. La restanta tempo antaŭ eksplodo de malaktivigita bombo estas aldonita al la ĝenerala tempolimo de la ludanto. Post kiam ĉiuj bomboj estas traktitaj, la ludanto ricevas la akumulitan tempon por plenumi plian nivelon, kie la celo estas kolekti valorajn objektojn lasitajn de la teroristoj. Estas du apartaj kaŝejoj, kaj la bomboj kaj kolekteblaj objektoj estas en hazardaj lokoj je ĉiu ludo.
La ludanto komencas kun forto de 3 poentoj : li mortas se ĝi falas al 0. Trafiĝo de rokoj elĵetitaj el la lafotruoj forprenas 1 aŭ 2 unuojn, depende de la tipo de roko. Fali en la lafon aŭ esti trafita de Bertrum, radioaktiva vesperto, rezultas en tuja morto. Forto malrapide regeneriĝas laŭlonge de la tempo.
Disvolvo
[redakti | redakti fonton]David Schroeder estis inspirita verki videoludojn post ludado de Donkey Kong, kaj Crisis Mountain komenciĝis kiel minimumisma versio de tiu ludo en Applesoft BASIC.[3] Li elektis Apple II, ĉar ĝi estis la solaj komputiloj en la laboratorio de Seattle Central College. Li neniam posedis personan komputilon ĝis li aĉetis Apple II Plus kun la profitoj de Crisis Mountain.
Recenzo
[redakti | redakti fonton]Skribante por Compute!, Patrick Parrish trovis la vesperton esenca trajto:
 |
|
Li konkludis nomante ĝin "supera programara atingo kaj tute amuza ludo." La magazino Softline skribis, ke "unu el la plej agrablaj aferoj pri Crisis Mountain estas, ke neniuj du ludoj ŝajnas samaj," kaj ke "estas sufiĉe da aferoj okazantaj ĉiam por ke ĝi neniam fariĝu enua." [5]
En recenzo por Electronic Games, Rick Teverbaugh skribis: "anstataŭ aspekti kiel banalaj linioj kaj ŝtupetaroj, ĉi tiu grimpoludo havas ludkampon, kiu fakte aspektas kiel la interno de kaverno". Krome, li nomis la ĝeneralan vidan prezenton "superba." [6]
La recenzlibro Essential Guide to Atari Computers de InfoWorld citis ĝin kiel rimarkindan arkadan videoludon por 8-bitaj Atari-komputiloj.[7]
Referencoj
[redakti | redakti fonton]- ↑ 1,0 1,1 The Giant List of Classic Game Programmers.
- ↑ Crisis Mountain Apple II Manual (1982).
- ↑ Crisis Mountain's main lesson: No such thing as a random number (January 4, 2016).
- ↑ (September 1983) “Review: Crisis Mountain for Apple and Atari”, Compute! (40), p. 184.
- ↑ (January 1983) “Gameline: Crisis Mountain”, Softline, p. 41.
- ↑ (August 1983) “Computer Gaming: Crisis Mountain”, Electronic Games 2 (6), p. 82.
- ↑ Mace, Scott. (1984) InfoWorld's Essential Guide to Atari Computers. Harper & Row, p. 75. ISBN 978-0-06-669006-3.