Cymbopetalum mayanum
 | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Herbaria speciano de Cymbopetalum mayanum el Nacia Muzeo de Natura Historio
| ||||||||||||||||||
| Biologia klasado | ||||||||||||||||||
| ||||||||||||||||||
| Konserva statuso | ||||||||||||||||||
Aliaj Vikimediaj projektoj
| ||||||||||||||||||
Cymbopetalum mayanum, eble esperantigebla kiel majaa cimbopetalo, estas specio de plantoj el familio Annonaceae. La specia epiteto mayanum referencas majaojn, kaj la antikvan civilizon, kaj la etnan-lingvan grupon de popoloj, indiĝenaj en ĝia arealo. Ĝia natura habitato estas apud-Atlantikaj malaltaĵoj de Gvatemalo kaj Honduro.[1] Ĝi kreskas kiel arbo. La specio estas iom minacata pro habitatdetruo rezulte de agrokulturo, sed por nun IUCN listas ĝin malplej zorgiga.[1]
En plejparto de arealo de C. mayanum estas disvastigita hispana lingvo kaj indiĝena kekĉia lingvo. En tiuj ĉi lingvoj, la kutimaj nomoj por la planto estas: huevo de toro, muk, anona de montaña, banana, chikinte, guanabano, guinellito, guineo, gunchuch, mata boni, mataboni, naguate, sufricaya, tulmax,[2] chikinte, kaj naguate[3]
Majaa cimbopetalo havas molajn sukrozajn fruktojn kiuj estas grava fonto de nutraĵo por formikoj[3] kaj ankaŭ por multaj specioj de birdoj. Inter la specioj, por kiuj la fruktoj estas grava parto de ilia dieto, ĉu normale, ĉu dum vintrumo, ĉu dum migrado, estas:[4]
- Amblicerko (Amblycercus holosericeus)
- Oranĝbeka aremono (Arremon aurantiirostris)
- Helpuga atilo (Attila spadiceus)
- Helbeka kampefilo (Campephilus guatemalensis)
- Nigravizaĝa dikbekulo (Caryothraustes poliogaster)
- Olivdorsa najtingalturdo (Catharus ustulatus)
- Bruna garolo (Cyanocorax morio)
- Kaŝtanflanka parulio (Dendroica pensylvanica)
- Katbirdo (Dumetella carolinensis)
- Ruĝgorĝa formiktanagro (Driophlox fuscicauda)
- Hilociklo (Hylocichla mustelina)
- Nigragorĝa lanitanagro (Lanio aurantius)
- Blankkoluma manakino (Manacus candei)
- Orfrunta melanerpo (Melanerpes aurifrons)
- Nigrovanga melanerpo (Melanerpes pucherani)
- Oĥraventra muŝkaptulo (Mionectes oleagineus)
- Momoto de Lesson (Momotus lessonii)
- Granda kresta muŝkaptulo (Myiarchus crinitus)
- Malhelĉapa muŝkaptulo (Myiarchus tuberculifer)
- Brunkresta muŝkaptulo (Myiarchus tyrannulus)
- Sulfurventra muŝkaptulo (Myiodynastes luteiventris)
- Sociema muŝkaptulo (Myiozetetes similis)
- Nigramaska parulio (Oporornis formosus)
- Grizkoluma bekardo (Pachyramphus major)
- Rozbrusta dikbekulo (Pheucticus ludovicianus)
- Ruĝĉapa manakino (Pipra mentalis)
- Skarlata pirango (Piranga olivacea)
- Somera pirango (Piranga rubra)
- Sulfurbrusta tukano (Ramphastos sulfuratus)
- Karmezinkoluma tanagro (Ramphocelus sanguinolentus)
- Rufa plorulo (Rhytipterna holerythra)
- Nigrakapa saltatoro (Saltator atriceps)
- Brungorĝa saltatoro (Saltator maximus)
- Brunflugila plorulo (Schiffornis turdinus)
- Orverta parulio (Seiurus aurocapillus)
- Flavflugila traŭpo (Thraupis abbas)
- Maska titiro (Tityra semifasciata)
- Tropika reĝtirano (Tyrannus melancholicus)
- Flavverda vireo (Vireo flavoviridis)
- Ruĝokula vireo (Vireo olivaceous)
Referencoj
[redakti | redakti fonton]- ↑ 1,0 1,1 1,2 Verspagen, N. (2020). “Cymbopetalum mayanum”, IUCN Red List of Threatened Species 2020, p. e.T30674A146873921. doi:10.2305/IUCN.UK.2020-3.RLTS.T30674A146873921.en. Alirita 20 November 2021..
- ↑ Cymbopetalum mayanum Lundell Species in GBIF Backbone Taxonomy. Global Biodiversity Information Facility (1 July 2013). Arkivita el la originalo je 24 September 2015. Alirita 14 August 2015 .
- ↑ 3,0 3,1 Murray, Nancy A.. (6 December 1993) Revision of Cymbopetalum and Porcelia (Annonaceae), Systematic botany monographs 40. Ann Arbor, Mich: American Society of Plant Taxonomists. ISBN 9780912861401. OCLC 29527548.
- ↑ (March 2007) “The potential of fruit trees to enhance converted habitats for migrating birds in southern Mexico”, Bird Conservation International 17 (1), p. 45–61. doi:10.1017/S0959270906000554.