Demons to Diamonds
| Demons to Diamonds | |
|---|---|
|
| |
| Disvolvo | Nick Turner[1] |
| Eldoninto | Atari, Inc.[2] |
| Dato de lanĉo | Julio 1982 |
| Platformo | Atari 2600 |
| Ĝenro | Fiksa pafa videoludo |
| Ludomaniero | multludista videoludo |
Demons to Diamonds (esperante Demonoj al Diamantoj) estas fiksa pafa videoludo por la ludkonzolo Atari 2600, disvolvita de Atari, Inc. kaj eldonita en 1982.[3] Ĝi estis programita fare de Nick Turner kun grafikoj desegnitaj de Alan Murphy.[4] Nick Turner antaŭe adaptis Super Breakout al Atari 2600.[5] La manlibro deklaras, ke la ludo estis ĉefe desegnita por infanoj en la aĝkategorio de 6 ĝis 12 jaroj.[6]
Ludantoj provas pafi demonojn dum "kosma karnavalo" kaj poste kolekti la diamantojn lasitajn de ili, evitante pafojn de malamikaj kranioj. La ludo inkluzivas ambaŭ unu-ludantan kaj du-ludantan modusojn.
Ludomaniero
[redakti | redakti fonton]La ludanto uzas laseron ĉe la fundo de plurvica ludkampo, movante ĝin flanken pere de la regilo[7] kaj premas la agbutonon de la regilo por pafi laseran radion[8] vertikale supren en la ludkampon. La ludanto povas kontroli, kiom alte la radio iras, liberigante la butonon ĉe la dezirata alto.[8] Demonoj komencas aperi en diversaj vicoj sur la ludkampo kaj moviĝas horizontale tra la ekrano. La ludanto devas pafi demonojn, kies koloro kongruas kun tiu de la pafilo.[8] Se trafita, la demono transformiĝas en diamanto, kiun oni ankaŭ povas pafi por akiri pliajn poentojn. Se ludanto pafas demonon de alia koloro, la demono transformiĝas en homa kranio, kiu povas pafi la ludanton per sia propra lasera radio. La kranio ne povas esti detruita de la ludanto, sed ĝi malaperos post mallonga tempo.
La ludanto ricevas unu poenton por ĉiu sukcese pafita demono kaj dek poentojn por ĉiu sukcese pafita diamanto. Poentoj estas multobligitaj laŭ la distanco inter la bazo kaj la celo. Ekzemple, demono pafita unu vicon super la ludanto valoras unu poenton, dum demono pafita kvar vicojn super la ludanto valoras kvar poentojn.
En multludanta moduso, la dua ludanto operacias alian laseron ĉe la supro de la ekrano, pafante de supre malsupren. Denove, la dua ludanto devas pafi demonojn, kiuj kongruas kun la koloro de sia pafilo por produkti diamantojn, sed la diamantojn povas pafi ambaŭ ludantoj.[9] Ankaŭ, kranioj kapablas pafi kaj supren kaj malsupren tra la ludkampo. En kelkaj variaĵoj de la ludo, la ludantoj povas pafi la laseran pafilon de sia kontraŭulo por malplenigi ilian rezervon de kromaj vivoj.
En ambaŭ unu- kaj multludanta versioj, ludantoj komencas kun kvin vivoj. Unu vivo perdiĝas kiam la lasera bazo de la ludanto estas trafita de lasera radio pafita de kranio aŭ de kontraŭulo, depende de la variaĵo de la ludo. La ludo finiĝas kiam ĉiuj vivoj estas perditaj. En la multludanta moduso, la supervivanta ludanto ricevas poentojn por ĉiu restanta vivo.
Recenzo
[redakti | redakti fonton]Demons to Diamonds estis publikigita en julio 1982.[10]
Bill Kunkel kaj Arnie Katz de Electronic Games en 1983 ne ŝatis la ludon. Ili priskribis Demons to Diamonds kiel "video-dormiga pilolo".[11]
Referencoj
[redakti | redakti fonton]- ↑ The Giant List of Classic Game Programmers.
- ↑ Demons to Diamonds. GameFAQs. Alirita 2010-05-23 .
- ↑ Demons to Diamonds - IGN.
- ↑ Demons to Diamonds. AtariAge. Arkivita el la originalo je 2011-08-18. Alirita 2010-05-19 .
- ↑ Super Breakout.
- ↑ Demons to Diamonds Manual.
- ↑ http://www.atarimania.com/2600/boxes/hi_res/demons_to_diamonds_color_i_7.jpg
- ↑ 8,0 8,1 8,2 http://www.atarimania.com/2600/boxes/hi_res/demons_to_diamonds_color_i_5.jpg
- ↑ http://www.atarimania.com/2600/boxes/hi_res/demons_to_diamonds_color_i_10.jpg
- ↑ "Atari '82 in Review". Atari Age. Vol. 1, no. 4. November 1982. p. 17.
- ↑ "Programmable Arcade", Electronic Games, June 1983, paĝoj 38–42. Kontrolita 6 January 2015.
