Fafe

Fafe
municipo de Portugalio ; urbo de Portugalio vd
Flago	Blazono
Administrado
Poŝtkodo	4820
En TTT	Oficiala retejo [+]
Demografio
Loĝantaro	50 633 (2011) [+]
Loĝdenso	231 loĝ./km²
Geografio
Geografia situo	41° 27′ N, 8° 10′ U (mapo)41.45-8.1666666666667Koordinatoj: 41° 27′ N, 8° 10′ U (mapo) [+]
Areo	219,08 km² (21 908 ha) [+]
Horzono	Okcidenteŭropa Tempo [+]
	Fafe (Portugalio)
	Situo de Fafe
Alia projekto
	Vikimedia Komunejo Fafe [+]
	v • d • r

Fafe estas portugala urbo en la subregiono Ave, apartenanta al la Norda regiono en la sudo de la Distrikto Braga, kun ĉirkaŭ 15 300 loĝantoj.

Ĝi estas sidejo de la municipo Fafe kun 219,08 km² kaj 48 497 loĝantoj (2021), subdividita en 25 fregezioj. La municipo limas norde kun Póvoa de Lanhoso kaj Vieira do Minho, oriente kun Cabeceiras de Basto kaj Celorico de Basto, sude kun Felgueiras kaj okcidente kun Guimarães. La punkto plej alta de la municipo estas en Serra do Maroiço, en Alto de Morgair, kun 894 metroj de altitudo.

Historio

Arkeologiaj restaĵoj pri la origino de la loĝado de tiu tero kondukas al la Ferepoko kaj al Romia Imperio.

La nomo Fafe ŝajne rilatas al la fakto ke ekde la komenco de la formado de Portugalio, Henriko de Burgonjo, Grafo de Portugalio, nome de Condado Portucalense, senjoro de tiu teritorio, donis la terojn kiuj aktuale estas de Fafe al nobelo tiel nomita "D. Fafes". Poste la tero nomiĝis Montelongo, kaj poste ŝanĝiĝis al Fafe.

Kiel aliaj municipoj de la Valo de Ave, ankaŭ Fafe suferis tendencon al elmigrado, kaj ĉefe dum la 19-a jarcento al Brazilo, kaj multaj el tiuj elmigrantoj transportis al Fafe riĉecon kiu ĉefe aplikiĝis al la konstruado de belaj edificoj kaj palacetoj.

En la 1960-aj jaroj okazis alia ondo de granda elmigrado, ĉefe al landoj de Eŭropo en kiu mankis laboristoj - nome Germanio, Francio, Belgio, Sviso kaj Luksemburgio. Pli malmulte, aliaj elmigris ankaŭ al Sudafriko, Kanado kaj Venezuelo, dum ankoraŭ aliaj (malpli) iris al Brazilo.

Ĉio tio rezultis en granda helpo al ekonomia kresko kaj ĝenerala disvolviĝo.

Tiukadre ekzemple kreiĝis tekstila industrio en Bugio kaj la Companhia de Fiação e Tecidos de Fafe, kiuj iĝis pioniraj en organizado, administrado kaj produktado, konstituante grandajn centrojn de dungado kaj loka riĉeco, kaj de demografia altirado, tiel ke en la fregezio Fafe instaliĝis lokanoj el la tuta municipo kaj ankaŭ de aliaj najbaraj municipoj.

Ĝis 1840 la municipo nomiĝis Montelongo aŭ Monte Longo, kaj estas registroj ke en 1801 havis 7 573 loĝantojn. Laŭlonge de la 20-a jarcento la loĝantaro malrapide kreskis el 27 346 en la jarcentkomenco ĝis nunaj 50 000, sed kun lastatempa stagnado kaj eĉ malpliiĝo.

Fregezioj

La municipo Fafe havas la jenajn fregeziojn:

Aboim, Felgueiras, Gontim e Pedraído
Agrela e Serafão
Antime e Silvares (São Clemente)
Ardegão, Arnozela e Seidões
Armil
Cepães e Fareja
Estorãos
Fafe
Fornelos
Freitas e Vila Cova
Golães
Medelo
Monte e Queimadela
Moreira do Rei e Várzea Cova
Paços
Quinchães
Regadas
Revelhe
Ribeiros
Santa Cristina de Arões
São Gens
São Martinho de Silvares
São Romão de Arões
Travassós
Vinhós

Vidindaĵoj

Kastrumo de Santo Ovídio
Preĝejo de São Romão de Arões
Romiaj vojoj de Arões
Domegoj de Souto de Seidões, de Santo Velho, de Penedo, de Cepães, de Maurício Durães
Hospitalo de Misericórdia de Fafe

Bildoj

Ventomuelejo de Aboim.
Ardegão.
Palaco de Grémio de Fafe.
Vila Cova.
Akvobaraĵo de Queimadela.
Moreira do Rei.
Preĝejo de São Romão de Arões.
Akvomuelejo en Travassós.

Kategorio Fafe en la Vikimedia Komunejo (Multrimedaj datumoj)

En tiu ĉi artikolo estas uzita traduko de teksto el la artikolo Fafe en la portugala Vikipedio.

Bibliotekoj