Fajfopluvio
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Charadrius melodus | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Fajfopluvio (Charadrius melodus) estas eta kaj vigla pluvio, tio estas vadbirdo de la familio de ĥaradriedoj kaj genro Charadrius kiu enhavas multajn aliajn speciojn. Ĝi estas malgranda sablokolora, paser-granda vadbirdo kiu nestas kaj manĝas laŭlonge de marbordaj strandoj de sablo kaj gruzo en Nordameriko.
Priskribo
[redakti | redakti fonton]La plenkreskulo havas flav-oranĝ-ruĝajn krurojn, nigran bendon tra la frunto el okulo ĝis okulo kaj nigran strion laŭlonge de la brusto. Tiu brustobendo estas kutime pli dikaj en maskloj dum la reprodukta sezono, kaj ĝi estas la nura fidinda vojo apartigi la seksojn. La birdo estas malfacile videbla kiam ĝi staras, ĉar ĝi bone miksiĝas kun malfermaj, sablostrandaj habitatoj. Ĝi tipe kuras mallonge, rapida ŝprucas kaj poste haltas.
Estas du subspecioj de fajfopluvioj: nome la orienta populacio estas konata kiel nomiga Charadrius melodus melodus kaj la mezokcidenta populacio estas konata kiel C. m. circumcinctus. La birdonomoj (kaj ordinara kaj latinlingva) estas derivita el ĝiaj plendecaj sonorilecaj fajfoj kiuj ofte aŭdiĝas antaŭ ol la birdo estas videbla.
Ilia reprodukta habitato estas de strando kaj sablejoj en la marbordo de Atlantiko, la bordoj de la Grandaj Lagoj, kaj en la mezokcidenta marbordo de Kanado kaj de Usono. Ili nestas sur sablaj aŭ gruzaj strandoj aŭ sablobenkoj.[1] Tiuj bordobirdoj manĝas en strandoj, kutime pervide, moviĝanta tra la strandoj per mallongaj kuretoj. Ĝenerale, fajfopluvioj manĝoserĉas ĉe altatajda rubozono kaj laŭlonge de la akvobordo. Ili manĝas ĉefe insektojn, mar-vermojn kaj krustulojn.
Taksonomio
[redakti | redakti fonton]Usona natursciencisto George Ord priskribis la fajfopluvion en 1824. Oni agnoskis du subspeciojn, nome la nomigan C. m. melodus de la marbordo de Atlantiko kaj C. m. circumcinctus de la Grandaj Ebenaĵoj. Averaĝe, circumcinctus estas pli malhela ĝenerale kun pli kontrastaj malhelaj vangoj kaj bridoj. Reproduktaj maskloj de circumcinctus montras pli etendan nigron en frunto kaj beko-bazo kaj plej ofte montras kompletajn brusto-bendojn. Ekzistas iom da koincido inter ambaŭ subspecioj.
Referencoj
[redakti | redakti fonton]- ↑ (11a de Januaro 2017) “Effects of climate change and anthropogenic modification on a disturbance-dependent species in a large riverine system”, Ecosphere (en) 8 (1), p. e01653. doi:10.1002/ecs2.1653. Bibkodo:2017Ecosp...8E1653Z.
Eksteraj ligiloj
[redakti | redakti fonton]- Critical Habitat for Piping Plover (Charadrius melodus) – US Fish & Wildlife Service
- Pri la specio – Cornell Lab of Ornithology
- Piping plover – Charadrius melodus – USGS Patuxent Bird Identification InfoCenter
- Vadbirdoj de Cape Cod – US National Park Service
- Cape Cod Times: Plovers take flight, beach reopens, 16a de Aŭgusto, 2007
| ||||||||||||||||||