Gavin Douglas
| Gavin Douglas | |||||
|---|---|---|---|---|---|
| |||||
| Persona informo | |||||
| Naskiĝo | 30-an de novembro 1473 en Lothian | ||||
| Morto | 31-an de aŭgusto 1522 (48-jaraĝa) en Londono | ||||
| Mortis pro | Naturaj kialoj  vd
| ||||
| Mortis per | Nigra morto vd
| ||||
| Religio | katolika eklezio vd | ||||
| Lingvoj | meza angla • Mezepoka latino • angla • latina vd | ||||
| Ŝtataneco | Skotlando vd
| ||||
| Alma mater | Universitato St. Andrews vd
| ||||
| Familio | |||||
| Dinastio | Clan Douglas vd | ||||
| Patro | Archibald Douglas, 5th Earl of Angus (en)  vd
| ||||
| Patrino | Elizabeth Boyd (en) vd
| ||||
| Gefratoj | George Douglas, Master of Angus (en) kaj William Douglas (en) vd
| ||||
| Profesio | |||||
| Okupo | katolika episkopo (1520–) katolika sacerdoto verkisto tradukisto poeto lingvisto vd
| ||||
| Laborkampo | Poezio, translations from Latin (en) , traduko al la angla kaj kristanismo vd
| ||||
| |||||
| vd | Fonto: Vikidatumoj | ||||
Gavin Douglas (n. ĉ.1474, m. septembron 1522) estis skota episkopo, tradukisto kaj poeto. Li estis inter la plej gravaj verkistoj de la skota renesanco.
Vivo
[redakti | redakti fonton]De 1489 al 1494 li studis ĉe Universitato St. Andrews. Verŝajne li plustudis ĉe Parizo. Li iĝis pastro. Ĉirkaŭ 1514 la skota reĝino-regentino Margaret Tudor nomumis lin abato de Arbroath. Poste ŝi nomumis lin ĉefepiskopo de St Andrews, sed ŝia intenco ne sukcesis kaj li neniam havis tiun postenon. En 1515 ŝi nomumis lin episkopo de Dunkeld, kaj li gajnis tiun rangon nepost finjulio 1516.
En majo 1517 Gavin Douglas partoprenis mision al Francio. Tie li kaj John Stewart (Duko de Albany) subskribis traktaton kiu renovigis la longdaŭran aliancon de Francio kaj Skotlando kaj per kiu Jakobo la 5-a (Skotlando) edziĝos al filino de la franca reĝo.
Sekvis kvereloj inter la gravuloj de Skotlando, dum kiu Gavin Douglas estis sendata al Anglio por peti la subtenon de Henriko la 8-a kontraŭ Margaret Tudor kaj la partio kiu favoris Francion. Li estis senigata de sia diocezo kaj restis en Anglio. En 1522 li mortis pro pesto en Londono.
Verkoj
[redakti | redakti fonton]Li verkis siajn poemojn kaj tradukojn de 1501 al 1513: post 1513 li ne plu verkis, verŝajne ĉar li estis tro okupata pri politikaj aferoj. Liaj ĉefaj verkoj estas:
- La palaco de honoro, sonĝ-alegorio iom laŭ la maniero de Geoffrey Chaucer
- Vers-traduko de la Eneado de Vergilio, kun aldono de traduko de daŭrigo de la epopeo fare de Maffeo Vegio kaj aliaj aldonaĵoj