Gira kiko
Gira kiko (aŭ rondmova piedbato) estas kiko, en kiu la atakanto giras sian kruron en duoncirkla movo, batante per la antaŭo de sia kruro aŭ piedo. Ĉi tian kikon oni uzas en multaj lukt-artoj, same kontaktaj kiel nekontaktaj. Depende de la pozo kaj staro, krurmovo, batanta surfaco kaj alteco de la kiko, ekzistas multaj variantoj. Ĝia plej fama uzanto estas Chuck Norris, ĉefe en la ŝercaj faktoj pri Chuck Norris.