Goldach

Por samtitola artikolo vidu la paĝon Goldach (stacidomo).

Goldach
Flago de Goldach
Flago de Goldach
Vilaĝocentro de Goldach
Vilaĝocentro de Goldach
komunumo en Svislando
Kantono	Sankt-Galo
Distrikto	Rorschach Sankt-Galo
Koordinatoj	47° 29′ 0″ N 9° 28′ 0″ O / 47.48333 °N, 9.46667 °O / 47.48333; 9.46667 (mapo)Koordinatoj: 47° 29′ 0″ N 9° 28′ 0″ O / 47.48333 °N, 9.46667 °O / 47.48333; 9.46667 (mapo)
Nombro de loĝantoj	8956
Areo	4,68 km²
Alteco	450 m super marnivelo
Poŝtkodo	9403
Komunumkodo	3213
Mapo de Goldach
Mapo de Goldach
v • d • r

Pri la komunumo

Goldach estas komunumo en la elektodistrikto Rorschach, Kantono Sankt-Galo, Svislando. Ĝi havis 8956 loĝantojn je la 31-a de julio 2008.

Geografio

Goldach situas oriente de Rorschach kaj limas en nordo al Bodenlago. La komunumo konsistas el la municipoj Obergoldach, Untergoldach kaj Riet. La okcidentan limon de la komunumo formas la rivereto Goldach.

Najbaraj komunumoj

Goldach limas al la komunumoj Horn (enklavo de Kantono Turgovio), Tübach kaj Mörschwil en oriento, Untereggen en sudo kaj Rorschacherberg kaj Rorschach en okcidento.

Trafiko

Goldach havas favoran trafiksituon. Tra la komunumo pasas la kantona ĉefvojo n-ro 7 de Rorschach al Sankt-Galo kaj laŭlonge de la lago la kantona ĉefvojo n-ro 13 de Rorschach al Kreuzlingen. La komunumo disponas pri alverturejo al svisa aŭtovojo A1 kaj disponas pri stacidomo sur la trajnlinio de Svisaj Federaciaj Fervojoj de Rorschach al Sankt-Galo.

Historio

Goldach estiĝis en la frua mezepoko el setlejo ĉe la romia strato de Arbon al Bregenz. Ĝia unua dokumenta mencio kiel Goldaha datiĝas el la jaro 789. Dum mezepoko la Monaĥejo Sankt-Galo posedis grandajn bienojn en Glodach. Ĝis 1449 la voktrajtoj pri Goldach apartenis al la sinjoroj de Rorschach, poste ili falis ankaŭ al la Abatejo Sankt-Galo. Post la dua mondmilito Goldach fariĝis industria komunumo, ĉar multaj gravaj entreprenoj tie setlis. La zona plano de 1970 bremsis tiun evoluon, kaj ek de tiam Goldach fariĝis preferita loĝkomunumo.

En la jaro 2007 la komunumoj Rorschach, Rorschacherberg kaj Goldach diskutis pri kunfandiĝo de la tri komunumo al unu sola urbo. En Goldach pro la malaltaj impostoj de la komunumo tiu-ĉi projekto ĉe la popolo tamen restis senŝanca. La kunfandiĝplanoj nun limigiĝas al Rorschaberberg kaj Rorschach.

Vidu ankaŭ

• Goldach (stacidomo)

Eksteraj ligiloj

• Kategorio Goldach en la Vikimedia Komunejo (Multrimedaj datumoj)

• Oficiala retejo de la komunumo Goldach
• Goldach en la Historia leksiko de Svislando

Bildoj

• 
  Vilao Wartegg en Goldach
• 
  Rigardo el la trajno al la preĝejo
• 
  Stacidomo
• 
  Vido el la trajno

Bibliotekoj

PeEnEo: 259105 GND: 4418552-2 LCCN: n85207839 VIAF: 148993226 NKC: ge1040959