Gorgosaŭro
 | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| Troveblo de fosilioj: Malfrua kretaceo | ||||||||||||||||||||
 | ||||||||||||||||||||
| Biologia klasado | ||||||||||||||||||||
| ||||||||||||||||||||
| Gorgosaurus libratus Lambe, 1914 | ||||||||||||||||||||
| Konserva statuso | ||||||||||||||||||||
|
Konserva statuso: Fosilia
| ||||||||||||||||||||
Aliaj Vikimediaj projektoj
| ||||||||||||||||||||
Gorgosaŭro (Gorgosaurus; malnovgreka: "feroca lacerto" < γορργος = 'terura' aŭ 'feroca' kaj σαυρος = 'lacerto') estas genro de karnomanĝanta dinosaŭro kun longeco de 7 ĝis 8 metroj kaj pezo de ĝis 2,5 tonoj. Ĝin unue priskribis la paleontologo Lawrence Morris Lambe en 1914, kaj oni trovis ĝiajn restaĵojn en okcidenta Kanado kaj Usono. Ĝi vivis antaŭ 70 milionoj da jaroj en la malfrua kretaceo.
Oni ĝis nun malkovris pli ol 20 gorgosaŭrajn skeletojn, tiel ke ĝi estas la plej bone reprezentita tiranosaŭredo en la fosiliaro. Ĝenerale simila al tiranosaŭro kaj la plej multaj aliaj grandaj tiranosaŭredoj (kiel daspletosaŭro kaj albertosaŭro), gorgosaŭro havis grandan kapon, grandajn kurbiĝintajn dentojn, etajn dufingrajn antaŭkrurojn, kaj potencajn malantaŭajn krurojn. Kompare kun la aliaj tiranosaŭredoj, gorgosaŭro estas plej simila al ĝia proksima parenco albertosaŭro.
Oni sugestis ke gorgosaŭro estis postpredanto, sed ĝia kunvivado kun la similgranda sed pli fortika tiranosaŭredo daspletosaŭro dubigas ĉi tiun teorion. Laŭ alia hipotezo gorgosaŭro, kiu estis inter la pli magraj tiranosaŭredoj, active ĉasis rapidajn bestojn kiel la hadrosaŭredoj kaj ornitomimedoj. Laŭ ĉi tiu propono, la pli malfacilaj atakeblaj ceratopsoj kaj ankilosaŭroj restus la predo de la daspletosaŭro.
Klasado
[redakti | redakti fonton]Dum jaroj oni klasis la specion Gorgosaurus libratus (la sola gorgosaŭra specio nuntempe rekonata) sub la genro Albertosaurus. Lastatempa laboro de paleontologoj tamen sugestas ke estas sufiĉaj diferencoj inter G. libratus kaj aliaj albertosaŭraj specioj por pravigi la originalan genronomon Gorgosaurus.
Eksteraj ligiloj
[redakti | redakti fonton]- Gorgosaurus libratus Arkivigite je 2006-05-14 per la retarkivo Wayback Machine, from the Smithsonian National Museum of Natural History, Department of Paleobiology.
- Gorgosaurus libratus Arkivigite je 2021-02-06 per la retarkivo Wayback Machine, by the Dino Guy, from Tyrannosaurids and Dinosaur Fun.