Hüniken SO

- La mallongigo SO en Hüniken SO staras por la svisa Kantono Soloturno. Por aliaj signifoj de la nomo vidu sub Hüniken..

---

Hüniken
Blazono de Hüniken
Blazono de Hüniken
Hüniken
Hüniken, fotita el balono la 16-an de aprilo 2011
komunumo en Svislando
Kantono	Soloturno
Distrikto	Wasseramt
Geografia situo	CH1903: 615073 / 226148 (mapo)47.1861111111117.6375Koordinatoj: 47° 11′ N, 7° 38′ O; CH1903: 615073 / 226148 (mapo)
Nombro de loĝantoj	92
Areo	1,01 km²
Alteco	471 m super marnivelo
Poŝtkodo	4554
Komunumkodo	2524
Mapo de Hüniken
Mapo de Hüniken
v • d • r

Hüniken estas komunumo en la distrikto Wasseramt en Kantono Soloturno, Svislando. Ĝi havis 92 loĝantojn je la 31-a de decembro 2010.

Geografio

Hüniken situas en Svisa Mezlando en la orienta flanko de la flotebenaĵo de la rivero Emme, ok kilometrojn orientsudoriente de la kantonĉefurbo Soloturno. La komunumo laŭ areo kaj loĝantaro estas la plej malgranda komunumo de la distrikto Wasseramt. En oriento Hüniken estas konektita kun la najbara komunumo Etziken. Krom la vilaĝo al la komunumo apartenas nur tri izolitaj domoj. La domoj de la vilaĝo grupiĝas ambaŭflanke de la kapelo de Sankta Mikaelo. La teritorio de la komunumo etendiĝas sur areo de 1,01 km², de kiuj 16% estas kovritaj de arbaro, 76% servas por agrikulturo kaj 8% por setlado. ^[1]

Najbaraj komunumoj

La komunumo Hüniken limas en nordo al Subingen, en oriento al Etziken, kaj en sudo kaj okcidento al Horriwil.

Trafiko

Hüniken situas flanke de la gravaj trafikvojoj. Tra la komunumo pasas flanka vojo de Etziken al Horriwil. Per la buslinio de Herzogenbuchsee al Soloturno Hüniken estas konektita al la publika transportreto.

Historio

La unua dokumenta mencio de Hüniken datiĝas el la jaro 1263 kiel Hunnechoven. La eklezia suvereneco pri Hüniken estis en la jaro 1341 akirita de la soloturna urbestro Conrad de Durrach. Poste la familio Spiegelberg heredis tiujn rajtojn, kaj de ĝi en la jaro 1466 kune kun la senjora jurisdikcio la rajtoj transiris al la urbo Soloturno. En la haro 1472 la rajtoj estis transdonitaj al la soloturna hospitalo. ^[2]

Vidu ankaŭ

• Aliaj lokoj kun la nomo Hüniken

Notoj kaj referencoj

1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
2. Fonto: Othmar Noser: Hüniken en Historia Leksikono de Svislando (2008-01-16)

Eksteraj ligiloj

• Kategorio Hüniken SO en la Vikimedia Komunejo (Multrimedaj datumoj)

• Informoj pri la komunumo Hüniken en la retejo de Kantono Soloturno^{[rompita ligilo]}
• Hüniken SO en la Historia Leksikono de Svislando  (germane, france, itale)