Handrup estas komunumo en Germanio. Ĝi troviĝas en la distrikto Emsland de la federacia landoMalsupra Saksio, kaj kun pluraj najbaraj komunumoj kunlaboras en la komunumaro Lengerich. Fine de decembro 2022 la komunumo havis 825 loĝantojn sur areo de 14,6 kvadrataj kilometroj, kio rezultigas loĝdenson de 55 loĝantoj/km². La teritorio havas komunan limon kun Wettrup, Bippen, Fürstenau, Andervenne kaj Lengerich. Pro la gimnazio Leoninum, al kiu en instruaj tagoj alvojaĝas lernejanoj el distanco de ĝis 20 kilometroj, la laŭ nombro de loĝantoj kompare eta komunumo estas certagrada eduka centro.
