Hrobice (distrikto Pardubice)

	Hrobice
	municipo
	Vilaĝplaco de Hrobice
Flago	Blazono
	Oficiala nomo: Hrobice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Pardubice
Historia regiono	Bohemio
Situo	Hrobice
- alteco	225 m s. m.
- koordinatoj	50° 06′ 30″ N 15° 46′ 54″ O / 50.10833 °N, 15.78167 °O (mapo)
Katastro	6,15 km² (615 ha) Hrobice
Loĝantaro	269 (2024)
Denseco	43,74 loĝ./km²
Tabulo	Orientelba tabulo
Unua skribmencio	1436
Horzono	MET (UTC+1)
- somera tempo	MET (UTC+2)
Poŝtkodo	533 52
NUTS 3	CZ053
NUTS 4	CZ0532
NUTS 5	CZ0532 575046
Katastraj teritorioj	1
Partoj de municipo	1
Bazaj setlejunuoj	1
	Situo enkadre de Ĉeĥio Situo enkadre de Ĉeĥio
	Vikimedia Komunejo: Hrobice (okres Pardubice)
	Retpaĝo: hrobice
	Portalo pri Ĉeĥio

Por aliaj signifoj, bv. rigardi la apartigilan paĝon: Hrobice

Koordinatoj: 50° 06′ 30″ N 15° 46′ 54″ O / 50.10833 °N, 15.78167 °O (mapo)

Municipo Hrobice situas en Ĉeĥio, regiono Pardubice, distrikto Pardubice, en ebenaĵo apud rivero Elbo, 7 km norde de urbo Pardubice, proksime de ŝoseo n-ro 37 inter Pardubice kaj Hradec Králové. Vivas ĉi tie 269 loĝantoj (2024). En distanco de 2 km norde de la vilaĝo estas karba elektrejo kaj regiona termocentralo Opatovice. En la vilaĝo estas ekzerca centro por saltrajdaj ĉevaloj. Sportan rajdadon entreprenas ankaŭ "Stalo Hasák". Proksime de Hrobice estas moderna akvopreparejo de Vodovody a kanalizace Pardubice (Akvokondukiloj kaj kanalizoj Pardubice), kiu liveras akvon en akvokondukilan sistemon de la regionoj Pardubice kaj Hradec Králové. En la vilaĝo estas negranda alkoholfarejo.

La najbaraj municipoj de la setlejo estas Stéblová, Němčice, Bukovina nad Labem, Čeperka, Srch, Dříteč kaj Opatovice nad Labem.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	173
1880	210
1890	193
1900	191
1910	176
1921	157

Jaro	Loĝantoj
1930	225
1950	117
1961	223
1970	190
1980	188
1991	163

Jaro	Loĝantoj
2001	187
2014	214
2016	209
2017	212
2018	216
2019	210

Jaro	Loĝantoj
2020	229
2021	230
2022	229
2023	245
2024	269

Naturo

Baroch

Sude, proksime de la vilaĝo, estas Ŝtata natura rezervejo Baroch proklamita en la jaro 1998. La teritorio ampleksas 31,39 ha, el tio ĉirkaŭ 27 ha estas senalflua fiŝlago plejparte surkreskita per kano kaj tifao kaj 4 ha de torfmarĉejo. La lokalejo estas protektata pro apero de multaj raraj botanikaj specioj, ekzemple Marĉa epipakto (Epipactis palustris), vipurlango (Ophioglossum vulgatum), Karnokolora orĥido (Dactylorhiza incarnata), hidrokotilo (Hydrocotyle vulgaris) kaj aliaj, kaj multaj raraj zoologiaj specioj - amfibioj, reptilioj kaj mamuloj. Sed ĉefe ĝi estas signifa nestejo de 83 birdaj specioj, ekzemple de Griza ansero (Anser anser), Platbeka anaso (Anas platyrhynchos), Kana lokustelo (Locustella luscinioides) kaj signifa vivejo por pliaj 73 birdaj specioj.

Tůň u Hrobic

Proksime de la vilaĝo estas natura memorindaĵo Tůň u Hrobic (Profundaĵo apud Hrobice), kiu estas malnova riverbrako de Elbo kaj ĝi prezentas reston de estinta apudelba pejzaĝo. Ĝi ampleksas 2,59 ha kaj estis proklamita en la jaro 1982.

Literaturo