Häggenschwil

Por samtitola artikolo vidu la paĝon Häggenschwil-Winden (stacidomo).

Häggenschwil
Blazono de Häggenschwil
Blazono de Häggenschwil
Vilaĝeniro de Häggenschwil
Vilaĝeniro de Häggenschwil
komunumo en Svislando
Kantono	Sankt-Galo
Distrikto	Elektodistrikto Sankt-Galo
Koordinatoj	47° 29′ 0″ N 9° 21′ 0″ O / 47.48333 °N, 9.35000 °O / 47.48333; 9.35000 (mapo)Koordinatoj: 47° 29′ 0″ N 9° 21′ 0″ O / 47.48333 °N, 9.35000 °O / 47.48333; 9.35000 (mapo)
Nombro de loĝantoj	1137
Areo	9,10 km²
Alteco	565 m super marnivelo
Poŝtkodo	9312
Komunumkodo	3201
Mapo de Häggenschwil
Mapo pri la situo de Häggenschwil en la Elektodistrikto Sankt-Galo
v • d • r

Häggenschwil estas komunumo en la elektodistrikto Sankt-Galo, Kantono Sankt-Galo, Svislando. Ĝi havis 1137 loĝantojn je la 31-a de decembro 2006.

Geografio

Häggenschwil situas norde de la rivero Sitter. Kun la setlejo Hof Raach la komunumo disponas pri eksklavo en Kantono Turgovio. Al la komunumo krome apartenas ankaŭ la vilaĝo Lömmenschwil kaj la setlejoj Agen kaj Chollerberg.^[1]

La teritorio de la komunumo etendiĝas sur areo de 9,10 km², de kiuj 12,1% estas kovritaj de arbaro, 76,4% servas por agrikulturo kaj 9,2% por setlado. ^[2]

Najbaraj komunumoj

Oriente kaj okcidente Häggenschwil limas al la Kantono Turgovio, norde de la komunumo situas Muolen, sude Waldkirch kaj Wittenbach. Al la komunumo apartenas krom la municipo Häggenschwil mem ankaŭ la vilaĝo Lömmenschwil.

Trafiko

Häggenschwil havas en Häggenschwil-Winden stacidomon ĉe la trajnlinio de Svisaj Sudorientaj Fervojoj de Romanshorn tra Sankt-Galo al Lucerno. Krome la komunumo ankaŭ per poŝtaŭtobuslinioj estas konektita al la reto de la publika trafiko.

Historio

La unua dokumenta mencio de la municipo Lömmenschwil datas sub la nomo domus Liubmanni el la jaro 854.^[3] Häggenschwil estis skribe menciita unuan fojon nur en la jaro 1419 kiel Hergnschwylen. Sur la teritorio de la komunumo estis malkovrita tombmonteto de la Hallstatt-kulturo. Je la fino de la 12-a jarcento la sinjoroj de Ramschwag konstruis sur la teritorio de la hodiaŭa komunumo sian familian kastelon, de kiu hodiaŭ ekzistas nur ruino. La suda parto de la kastelo falis en la 15-a jarcento en la ravinon de la rivero Sitter.^[4]

vidu ankaŭ

• Häggenschwil-Winden (stacidomo)

Eksteraj ligiloj

• Kategorio Häggenschwil en la Vikimedia Komunejo (Multrimedaj datumoj)

• Oficiala retejo de la komunumo Häggenschwil

Bildoj

• 
  Burgruino Alt-Ramschwag en Häggenschwil
• 
  Katolika preĝejo Sankt-Notker
• 
  La preĝejo Sankt-Notker interne
• 
  Plafonfresko en la preĝejo
• 
  Lernejo
• 
  Kulturcento "Kultur im Bären"
• 
  Lömmenschwil, komunumo Häggenschwil

Notoj kaj referencoj

1. Fonto: Reta mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Marcel Mayer: Vucherens en Historia Leksikono de Svislando (2006-04-06)
4. Fonto: Marcel Mayer: Häggenschwil en Historia Leksikono de Svislando (2006-03-13)